ព័ត៌មានជាតិ

រកឃើញអ្នកវិជ្ជមានកូវីដ១៩ នៅស្រុកសូទ្រនិគម០៩នាក់ មានទាំងនគរបាល និងគ្រូពេទ្យ

បានផុស

៤ years មុន

នៅ

ថ្ងៃសៅរ៍ ៥ មិថុនា ២០២១

ដោយ

ព័ត៌មានបឋម នៅថ្ងៃទី០៥ ខែមិថុនា ឆ្នាំ២០២១នេះ អាជ្ញាធរខេត្តសៀមរាប បានរកឃើញអ្នកវិជ្ជមានកូវីដ១៩ ចំនួន០៩នាក់ទៅលើពលរដ្ឋ ,នគរបាល និងគ្រូពេទ្យ នៃស្រុកសូទ្រនិគម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប បានមានប្រសាសន៍ប្រាប់កម្ពុជាថ្មីឲ្យដឹងនៅព្រឹកថ្ងៃទី០៥ ខែមិថុនានេះថា ថ្ងៃនេះក្រុមការងារបានរកឃើញអ្នកវិជ្ជមានកូវីដ១៩ ចំនួន០៩នាក់ទៅលើពលរដ្ឋ ,នគរបាល និងគ្រូពេទ្យ នៃស្រុកសូទ្រនិគម។ លោកបន្តថា បច្ចុប្បន្នសមត្ថកិច្ចកំពុងស្រាវជ្រាវបន្តទៀត។

លោកឧត្ដមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប បានមានប្រសាសន៍ប្រាប់កម្ពុជាថ្មីឲ្យដឹងនៅព្រឹកថ្ងៃទី០៥ខែមិថុនានេះថា ក្រុមគ្រូពេទ្យបានរកឃើញ អ្នកវិជ្ជមានកូវីដ១៩ លើអធិការនគរបាលស្រុកសូទ្រនិគម និងមន្ត្រីនគរបាលចំនួន៣នាក់ ព្រមទាំងពលរដ្ឋនៃស្រុកសូទ្រនិគម ហើយបច្ចុប្បន្នកម្លាំងជំនាញនិងក្រុមគ្រូពេទ្យកំពុងស្រាវជ្រាវបន្ថែមទៀត។ លោកបន្តថា ចំពោះលោកវរសេនីយ៍ឯក ទេព ចាន់ណា អធិការនគរបាលស្រុកសូទ្រនិគម និងមន្ត្រីនគរបាលផ្សេងទៀត ត្រូវបានចាត់ឲ្យធ្វើចត្តាឡីស័កទៅតាមការណែនាំរប់គ្រូពេទ្យ ហើយកិច្ចការដឹកនាំ គឺមានខាងអធិការរងស្តីទីម្នាក់ដឹកនាំការងារបណ្ដោះអាសន្នសិន។