ព័ត៌មានជាតិ

ម្ចាស់អាជីវកម្មក្នុងខណ្ឌដូនពេញបានអនុវត្តតាមការណែនាំរបស់អាជ្ញាធរ

បានផុស

៤ years មុន

នៅ

ថ្ងៃអាទិត្យ ៦ មិថុនា ២០២១

ដោយ

ដោយអនុវត្តតាមបទបញ្ជារបស់លោក សុខ ពេញវុធ អភិបាលនៃគណៈអភិបាលខណ្ឌដូនពេញអាជ្ញាធរខណ្ឌដូនពេញ នៅយប់ទី៥ ខែមិថុនា ឆ្នាំ២០២១ កម្លាំងគណៈបញ្ជាការឯកភាពខណ្ឌដូនពេញ បានចុះល្បាតត្រួតពិនិត្យ និងណែនាំដល់ម្ចាស់អាជីវកម្មដែលល្មើសនឹងការណែនាំរបស់រាជរដ្ឋាភិបាល និងរដ្ឋបាលរាជធានីភ្នំពេញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាលទ្ធផលជាក់ស្តែងពិនិត្យឃើញថា ម្ចាស់អាជីវកម្មបានអនុវត្តតាមការណែនាំរបស់រាជរដ្ឋាភិបាល និងរដ្ឋបាលរាជធានីភ្នំពេញ ដោយបានបិទអាជីវកម្មរបស់ខ្លួនជាបណ្តោះអាសន្ន និងបានបន្តធ្វើការណែនាំដល់ម្ចាស់អាជីវកម្មមួយចំនួនឲ្យបន្តអនុវត្តតាមការណែនាំរបស់រដ្ឋបាលរាជធានីភ្នំពេញ ឲ្យបានខ្ជាប់ខ្ជួនរហូតដល់មានគោលការណ៍ថ្មី ។

ជាមួយគ្នានោះដេររដ្ឋបាលខណ្ឌដូនពេញបានក្រើនរំលឹកឲ្យបងប្អូនប្រជាពលរដ្ឋត្រូវចូលរួមអនុវត្តវិធាន ៣ការពារ ៣កុំ របស់ប្រមុខរាជរដ្ឋាភិបាល និងវិធាននានារបស់ក្រសួងសុខាភិបាលឲ្យបានខ្ជាប់ខ្ជួន ដើម្បីទប់ស្កាត់ការរីករាលដាលជំងឺកូវីដ១៩៕

អត្ថបទ ៖ រស្មី