ព័ត៌មានជាតិ
ក្រុមហ៊ុន Luenthai Holdings Ltd. ទទួលបានឈ្មោះអគារបៃតង (Green Building)ដំបូងគេបង្អស់នៅក្នុងប្រទេសកម្ពុជា
រោងចក្រថ្មីរបស់ក្រុមហ៊ុន Luenthai Holdings Ltd. ដែលមានឈ្មោះ អិកស៍អូ ថិច អ៊ិនដាសស្ទៀល ឯ.ក. ជាប្រភេទរោងចក្រកាត់ដេរសម្លៀកបំពាក់នៅទីក្រុងភ្នំពេញ និងជាអគារដំបូងគេបង្អស់នៅក្នុងប្រទេស កម្ពុជាដែលបានទទួលស្គាល់ជាប្រភេទ Gold Certified ស្ថិតនៅក្រោម LEED V4 Building and Construction (BD+C) ជាប្រព័ន្ធវាយតម្លៃសំណង់អគារថ្មី ដោយក្រុមប្រឹក្សាសហរដ្ឋអាមេរិក US Green Building Council។

អគារនេះមានទំហំលាតសន្ធឹងរហូតដល់ទៅ25,000ម៉ែត្រក្រឡា ដែលអាចឲ្យកម្មករនិយោជិតធ្វើការបំពេញការងារបានរហូតដល់ទៅ10,000 នាក់ សម្រាប់ដំណើរការផលិតកម្មសម្លៀកបំពាក់ដែលមានម៉ាកល្បីល្បាញជាលក្ខណៈអន្តរជាតិ។ អគារមានលក្ខណៈជាសិល្បៈនៃដំណើរការផលិតកម្ម ឧស្សាហកម្មបែបឌីជីថលឈានមុខ ប្រព័ន្ធស្វ័យប្រវត្តិកម្មកម្រិតខ្ពស់ បរិបទនៃការបំពេញការងារមានលក្ខណៈល្អឥតខ្ចោះ ទាំងអស់នេះស្ថិតក្នុងបរិបទចំណាត់ថ្នាក់ពិភពលោក។
LEED មកពីពាក្យថា ភាពជាអ្នកដឹកនាំលើការចនាការគ្រប់គ្រងថាមពល និងបរិស្ថាន ដែលជាវិញ្ញាបនបត្របញ្ជាក់លក្ខណៈអគារបៃតងដ៏វិសេសវិសាលនៅក្នុងពិភពលោកនាសម័យកាលបច្ចុប្បន្ន។ វិញ្ញាបនបត្រ LEEDបញ្ជាក់លក្ខណៈអគារបៃតងនេះ មាន4កម្រិត រួមមាន៖ Certified, Silver, Gold និង Platinum ដែលមានលក្ខន្តិក:វាយតម្លៃV4 LEED ដ៏តឹងរ៉ឹងបំផុត។ ការទទួលបានវិញ្ញាបនបត្រ LEED Gold ជាសញ្ញាបង្ហាញថា ក្រុមហ៊ុន Luenthai Holdings Ltd និង ក្រុមហ៊ុន អិកស៍អូ ថិច អ៊ិនដាសស្ទ្រៀល ឯ.ក. មានការតាំងចិត្តខ្ពស់ឈានទៅរកនិរន្តរភាព។
ក្រុមហ៊ុន អិកស៍អូ ថិច អ៊ិនដាសស្ទ្រៀល ឯ.ក. អាចសម្រេចបាននូវការប្រព្រឹត្តទៅជាគំរូពាក់ព័ន្ធនឹងប្រសិទ្ធភាពនៃការប្រើប្រាស់ថាមពលជាមួយនឹងការដំឡើងប្រព័ន្ធចំហាយត្រជាក់ផ្ទាល់ អំពូលភ្លើងLED និងការដំឡើងប្រព័ន្ធសូឡាដើម្បីសន្សំបាន10%ពីការប្រើប្រាស់ថាមពលសម្រាប់ផលិតកម្ម។ ការរចនាតាមស្ថាបត្យកម្ម ត្រូវបានគិតគូរយ៉ាងហ្មត់ចត់ដើម្បីប្រាស់ប្រាស់ពន្លឺថ្ងៃតាមលទ្ធភាពដែលអាចធ្វើទៅបាន ដើម្បីកាត់បន្ថយការប្រើពន្លឺអំពូល និងបង្កើនការមើលឃើញប្រកបដោយផាសុកភាព។ ការប្រើប្រាស់ថាមពល និងទឹក គឺត្រូវបានបំពាក់ sub meter ទូទាំងអគារទាំងមូលដើម្បីធានាឲ្យបានថាភាពមិនប្រក្រតីនឹងត្រូវបានសម្គាល់ និងដោះស្រាយភ្លាមៗ។ គំនិតផ្ដួចផ្ដើមទាំងនេះនឹងកាត់បន្ថយឧស្ម័នកាបូនិច ដែលកើតមានរហូតដល់ទៅ1,151តោនជារៀងរាល់ឆ្នាំ។ បន្ថែមទៅលើការកាត់បន្ថយឧស្ម័នកាបូនិច វាផ្តោតខ្លាំងទៅលើការបង្កើតបរិយាកាសការងារប្រកបដោយផាសុកភាពសម្រាប់កម្មករនិយោជិត។ VOCមានកម្រិតទាប/សម្ភារៈ និងសារធាតុគីមីសាយភាយតិចតូច ដែលផ្តើមឡើងពីគ្រឿងសង្ហារិម ថ្នាំលាប និង កម្រាលឥដ្ឋត្រូវបានជ្រើសរើសយ៉ាងសម្អិតសម្អាង ដើម្បីលុបបំបាត់ហានិភ័យដែលអាចកើតមានឡើងចំពោះអ្នកបំពេញការងារ ស្របពេលដែលប្រព័ន្ធស្រូបបញ្ចូលខ្យល់បរិសុទ្ធត្រូវបានបំពាក់ដើម្បីបង្កើនគុណភាពខ្យល់ក្នុងបន្ទប់។
លក្ខណៈវិសេសដោយឡែកមួយរបស់រោងចក្រផលិតសម្លៀកបំពាក់នេះគឺ ទីលានបាល់ទាត់ដែលមានទំហំសមស្របស្ថិតនៅជាន់ខាងលើដំបូលអគារ ដែលជាគំនិតផ្ទាល់របស់ថ្នាក់ដឹកនាំជាន់ខ្ពស់ដែលស្រលាញ់វិស័យកីឡានិងមានការប្រកួតលេងយ៉ាងទៀងទាត់ (មុនការផ្ទុះឡើងនៃជំងឺកូវីដ-19)ជាមួយកម្មករនិយោជិត។ ពួកគាត់មានកម្មវិធីកីឡាផ្ទាល់ខ្លួនផងដែរ និងក្លឹបដែលមានឈ្នោះថា XO United FC បង្កើតឡើងដើម្បីបង្វែរក្មេងៗទាន់ខ្យល់ឲ្យឆ្ពោះទៅរកវិស័យកីឡា ដែលមានចក្ខុវិស័យ “ផ្លាស់ប្តូរយុវជនកម្ពុជា ទៅរកគោលដៅមួយ នាពេលមួយ”។
គម្រោងនេះ ត្រូវបានគ្រប់គ្រងដើម្បីសម្រេចបានូវការប្រព្រឹត្តទៅដ៏វិសេសវិសាលស្របតាម វិញ្ញាបនបត្រLEEDដោយសារ ការរចនាធ្វើឡើងបន្តពីដំណាក់កាលដំបូងនៃដំណើរការរចនាអគារ។ រួមបញ្ចូលគ្នាជា មួយក្រុមការងារគម្រោងពី Luenthai Holdings Ltd/XO Tex Ltd. ក្រុមហ៊ុនម៉ៅការសំណង់ Vision Builders Ltd. និងក្រុមហ៊ុន ប្រឹក្សាយោបល់ Blue Snow Energy ដែលសហការយ៉ាងជិតស្និទ្ធតាំងពីគម្រោងដើមដំបូង ដើម្បីកំណត់គោលដៅនិរន្តរភាព និងបង្កើតផែនការច្បាស់លាស់ដើម្បីសម្រេចវាទៅបាន។
បន្ថែមពីវិញ្ញាបនបត្រ LEED v4 GOLD អគារមួយនេះជាគម្រោងសាកល្បងផងដែលសម្រាប់វិញ្ញាបនបត្រថ្មីអគារបៃតង(Green Building) ដែលបង្កើតឡើងតាមរយៈក្រុមប្រឹក្សាកម្ពុជា Cambodian Green Building Council (CamGBC) ដែលគេរំពឹងថានឹងទទួលបានចំណាត់ថ្នាក់មាស(Gold rating)ផងដែរ។
*ផ្អែកតាម 0.55 តោនCO2e/MWH សម្រាប់ឆ្នាំ 2021
Luen Thai Email Disclaimer: http://www.luenthai.com/disclaimer/

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម៩ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ