យុវជនរួមភេទជាមួយក្មេងស្រីអាយុក្រោម១៥ឆ្នាំ ត្រូវសមត្ថកិច្ចចាប់ខ្លួន

ខេត្តបាត់ដំបង៖ យុវជនម្នាក់ត្រូវបានកម្លាំងសមត្ថកិច្ចស្រុកថ្មគោល ចុះឃាត់ខ្លួនដើម្បីបញ្ជូនតាមផ្លូវច្បាប់ ក្រោយពីទទួលពាក្យបណ្តឹងថា បានរួមភេទជាមួយក្មេងស្រីអាយុក្រោម១៥ឆ្នាំ។
កិច្ចប្រតិបត្តិការនេះ គឺដោយយោងតាមពាក្យបណ្តឹងរបស់អាណាព្យាបាលផង និងដោយមានការអនុញ្ញាតពីលោកព្រះរាជអាជ្ញាផង គឺបានធ្វើឡើងកាលពីថ្ងៃទី៦ ខែមិថុនា ឆ្នាំ២០២១ វេលាម៉ោង៩ និង១០នាទីព្រឹក។

ជំនាញផ្នែកនគរបាលយុត្តិធម៌សហការជាមួយកំលាំងនគរបាលប៉ុស្តិ៍អូរតាគី បានបង្រ្កាប និងឃាត់ខ្លួនជនសង្ស័យ០១នាក់ ឈ្មោះ ធី សុខឿត ហៅ ផៃ ភេទប្រុស អាយុ២០ឆ្នាំ រស់នៅភូមិត្រស់ ឃុំអូរតាគី ស្រុកថ្មគោល ក្នុងករណីរួមភេទជាមួយជនរងគ្រោះឈ្មោះ ញ ស ក  ភេទស្រី អាយុ១៤ ឆ្នាំ រស់នៅភូមិព្រៃទទឹង ឃុំអូរតាគី ស្រុកថ្មគោល។

តាមការសារភាពបានបញ្ជាក់ថា គេពិតជាបានរួមភេទជាមួយក្មេងស្រីនោះបានសម្រេចមួយលើកពិតប្រាកដមែន កាលពីថ្ងៃទី៥ ខែមិថុនា ឆ្នាំ២០២១ វេលាម៉ោងប្រហែល៧យប់ នៅចំណុចក្រុមទី១៥ ភូមិត្រស់ ឃុំអូរតាគី ស្រុកថ្មគោល ខេត្តបាត់ដំបង។
បច្ចុប្បន្ន ជនសង្ស័យខាងលើត្រូវបានកម្លាំងជំនាញ នៃអធិការដ្ធាននគរបាកស្រុកថ្មគោល បញ្ជូនតាមនីតិវិធីទៅកាន់ស្នងការដ្ឋាននគរបាលខេត្ត៕

អត្ថបទ៖ សោ និយមរ័ត្ន