ព័ត៌មានជាតិ

ឃើញម្ចាស់ទុកម៉ូតូល្អមុខតូបមិនបានដកកូនសោ ចូលទៅលួចយកជិះរត់គេច

បានផុស

៣ years មុន

នៅ

ថ្ងៃចន្ទ ៧ មិថុនា ២០២១

ដោយ

តាកែវ ៖ ដោយឃើញម៉ូតូដែលម្ចាស់ចតទុកមុខតូបមិនបានដក់កូនសោចេញ ជនសង្ស័យម្នាក់បានចូលទៅធ្វើសកម្មភាពលួចនិងជិះរត់គេចបានរាប់សិបគីឡូទម្រាំសមត្ថកិច្ចចាប់ខ្លួនបាន។

ហេតុការណ៍នេះ កើតឡើងចំណុចភូមិរូងឃុំលំចង់ ស្រុកសំរោង ខេត្តតាកែវ នៅព្រឹកថ្ងៃទី៧ខែមិថុនា ឆ្នាំ២០២១ ដែលជនសង្ស័យមានឈ្មោះស៊ុនវៃយុហៅម៉ក់ ភេទប្រុស អាយុ២២ឆ្នាំ រស់នៅភូមិពោធិ៍ឃុំខ្វាវស្រុកសំរោងខេត្តតាកែវ បានធ្វើសកម្មភាពលួចម៉ូតូមួយគ្រឿងម៉ាកហុងដាscoopy ពណ៌ស ពាក់ផ្លាកលេខតាកែវ1W-0443 មានម្ចាស់កម្មសិទ្ធឈ្មោះសោមស្រីស្រស់ ភេទស្រី អាយុ៤៥ឆ្នាំ រស់នៅភូមិរូងឃុំលំចង់ ស្រុកសំរោង ខេត្តតាកែវ។

ក្រោយកើតហេតុ ក្រោមការចង្អុលបង្ហាញពីលោកឧត្តមសេនីយ៍ទោសុខសំណាងស្នងការនគរបាលខេត្តតាកែវនិងមានការសម្របសម្រួលពីសំណាក់ព្រះរាជអាជ្ញាអមសាលាដំបូងខេត្តតាកែវផងនោះ កម្លាំងអធិការដ្ឋាននគរបាលស្រុកសំរោងសហការជាមួយកម្លាំងប៉ុស្តិ៍នគរបាលរដ្ឋបាលពាក់ព័ន្ធរួមជាមួយកម្លាំងអធិការដ្ឋាននគរបាលស្រុកបសេដ្ឋ ខេត្តកំពង់ស្ពឺ បានធ្វើការល្បាតពួនស្ទាក់គ្រប់ច្រក និងបន្តស្រាវជ្រាវរហូតឈានដល់ឃាត់ខ្លួនជនសង្ស័យខាងលើនៅចំណុចឃុំនិទានស្រុកបសេដ្ឋខេត្តកំពង់ស្ពឺ។

បច្ចុប្បន្នជនសង្ស័យខាងលើត្រូវបានកម្លាំងជំនាញធ្វើការសាកសួរដើម្បីកសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី៕

ដោយ ៖ វីរៈ

Related Topics:ករណីលួច