ព័ត៌មានជាតិ

រ៉ឺម៉កម៉ូតូ ត្រូវប៉ាន់បន្ទាប់ពីអាជ្ញាធរផ្អាកការលក់ដូរតាមចិញ្ចើមផ្លូវ និងផ្សារមិនរៀបរយ

បានផុស

៤ years មុន

នៅ

ថ្ងៃអង្គារ ៨ មិថុនា ២០២១

ដោយ

បច្ចុប្បន្នគេសង្កេតឃើញវត្តមានរ៉ឺម៉ូតូខ្មែរកំពុងត្រូវប៉ាន់ ចំណែកម៉ូតូកង់បីឥណ្ឌាត្រូវស្ងប់ស្ងាត់ទៅវិញ។

លោក វង់ មឿន ដែលមានទីលំនៅក្នុងឃុំគគី ស្រុកកៀនស្វាយ ខេត្តកណ្តាល បានឲ្យដឹងថា ពីដើមមកលោកប្រកបរបររត់រ៉ឺម៉កម៉ូតូដឹកអ្នកដំណើរពីផ្សារច្បារអំពៅឆ្ពោះទៅស្រុកកៀនស្វាយខេត្តកណ្តាល។ លុះក្រោយមកម៉ូតូកង់បីឥណ្ឌាចាប់ផ្តើមចូលស្រុកតាមរយះក្រុមហ៊ុនក្នុងស្រុកហើយអ្នកដំណើរនាំគ្នាជិះកង់បីឥណ្ឌាវិញ ធ្វើឲ្យកង់បីខ្មែរដែលផលិតក្នុងស្រុកត្រូវបាត់ម៉ូយសឹងគ្មានអ្នកជិះ។ ប៉ុន្តែបច្ចុប្បន្នម៉ូតូកង់បីខ្មែរយើងត្រូវប៉ាន់វិញ ដោយកែប្រែពីដឹកភ្ញៀវមកដឹកបន្លែត្រីសាច់និងផ្លែឈើលក់បានកាក់កបគ្រាន់បើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីអាជ្ញាធរមូលដ្ឋាន លោក ជូ ចាន់នី បម្រើការងារនៅសាលាសង្កាត់ច្បារអំពៅទី២ខណ្ឌច្បារអំពៅបានឲ្យ កម្ពុជាថ្មី ដឹងថា រាល់ថ្ងៃនេះ អាជីវករដែលកន្លងមកលក់បន្លែផ្លែឈើនៅផ្សារបន្លែច្បារអំពៅ បានងាកទៅទិញរ៉ឺម៉កខ្មែរដឹកផ្លែឈើ និងបន្លែលក់តាមផ្ទះប្រជាពលរដ្ឋ បន្ទាប់ពីសាលារាជធានីភ្នំពេញពុំទាន់រៀបចំឲ្យបងប្អូនអាជីវករលក់ដូរជុំវិញផ្សារបានលក់ឡើងវិញនោះ។ តែទោះជាយ៉ាងណា កំណើនម៉ូតូរ៉ឺម៉កខ្មែរធ្វើដំណើរចូលក្រុងបង្កឲ្យកកស្ទះចរាចរណ៍ដែលភាគច្រើនលើសលុប គឺរ៉ឺម៉កដឹកបន្លែត្រីសាច់ និងផ្លែឈើលក់យ៉ាងគគ្រឹកគគ្រេង៕

អត្ថបទ ៖ នរា