ព័ត៌មានជាតិ
លោកស្រី ឱ វណ្ណឌីន រំពឹងថា រាជធានីភ្នំពេញ នឹងបញ្ចប់ការចាក់វ៉ាក់សាំងការពារជំងឺកូវីដ១៩ នៅខែកក្កដាខាងមុខ
លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល និងជាប្រធានគណៈកម្មការ ចំពោះកិច្ចចាក់វ៉ាក់សាំងកូវីដ-១៩ (គ.វ.ក១៩)បានរំពឹងថា នៅរាជធានីភ្នំពេញ នឹងបញ្ចប់ការចាក់វ៉ាក់សាំងការពារជំងឺកូវីដ១៩ នៅខែកក្កដាខាងមុខ ខណៈបច្ចុប្បន្នចាក់ជូនពលរដ្ឋ ដែលមានអាយុចាប់ពី១៨ឆ្នាំឡើងទៅបានចំនួន១១ខណ្ឌ ហើយក្នុងចំណោមខណ្ឌទាំង១៤ហើយមានខណ្ឌខ្លះបានចាក់រួចរាល់និងខណ្ឌខ្លះទៀត កំពុងដំណើរការចាក់នៅឡើយ។
លោកស្រី បានមានប្រសាសន៍បានប្រាប់កម្ពុជាថ្មីថា «ខ្ញុំរំពឹងថានឹងអាចចាក់អស់គ្រប់បុគ្គល ដែលមានអាយុចាប់ពី១៨ឆ្នាំឡើង នៅរាជធានីភ្នំពេញ សម្រាប់ដូសទី១ នៅដំណាច់ខែមិថុនានេះ ហើយឈានទៅបញ្ចប់ការចាក់ដូសទីពីរនៅខែកក្កដាខាងមុខនេះហើយ។ បើតាម លោក ស្រី ឱ វណ្ណឌីន ចាប់ពីថ្ងៃទី១០ ខែមិថុនាស្អែកនេះតទៅ យុទ្ធនាការចាក់វ៉ាក់សាំងនឹងបន្តនៅខណ្ឌចំនួន៣ទៀតដែលនៅសេសសល់ គឺខណ្ឌដូនពេញ ខណ្ឌព្រែកព្នៅ និងខណ្ឌជ្រោយចង្វារ។
យោងតាមសាលារាជធានីភ្នំពេញ បានឱ្យដឹងថា ខណ្ឌដូនពេញ ជ្រោយចង្វារ និងខណ្ឌព្រែកព្នៅ ដែលជាខណ្ឌនៅសេសសល់ចុងក្រោយសាលារាជធានីភ្នំពេញ នឹងចាក់សម្រាប់ដូសទី១ចាប់ពីថ្ងៃទី១០ដល់ថ្ងៃទី២៣ខែមិថុនា និងសម្រាប់ដូសទី២ចាប់ពីថ្ងៃទី២៥ ខែមិថុនាដល់ថ្ងៃទី៨ ខែកក្កដា ឆ្នាំ២០២១ នៅតាមទីតាំងចំនួន១៤កន្លែងផ្សេងៗ។ លោក ស្រី ឱវណ្ណឌីន បាន បន្ថែមទៀតថា នៅថ្ងៃស្អែកនេះដែរគ.វ.ក១៩ក៏នឹងបើកយុទ្ធនាការចាក់វ៉ាក់សាំងការពារជំងឺកូវីដ ១៩ ដល់ប្រជាពលរដ្ឋនៅក្រុងតាខ្មៅ ខេត្តកណ្តាលផងដែរ ហើយបន្ទាប់មកទៀតគ្រោងចាក់ជាបន្តបន្ទាប់ទៀតដល់ខេត្ត ដែលមានការប្រឈមនឹងជំងឺកូវីដ១៩ និងមានរោងចក្រសហគ្រាសច្រើន។
គួរបញ្ជាក់ថា រហូតមកដល់ពេលនេះកម្ពុជាបានទទួលវ៉ាក់សាំងការពារជំងឺកូវីដ១៩ ជាង៧លានដូសហើយសម្រាប់ចាក់ជូនដល់ពលរដ្ឋគោលដៅប្រមាណ១០លាននាក់ ក្នុងនោះវ៉ាក់សាំងប្រភេទស៊ីណូវ៉ាក់៤លាន៥០ម៉ឺនដូស វ៉ាក់សាំងប្រភេទស៊ីណូហ្វាម២លាន២សែនដូស និងវ៉ាក់សាំង កូវីសែនដែលផលិតដោយក្រុមហ៊ុនអាស្ត្រាហ្សេនេកា តាមរយៈគម្រោងកូវ៉ាក់ ៣២៤០០០ដូសហើយ បើគិតមកត្រឹមថ្ងៃទី០៨ មិថុនាឆ្នាំ២០២១ មានពលរដ្ឋកម្ពុជាចំនួន២៧៧០៤៣៧នាក់ស្មើនឹង២៧.៧០ភាគរយ៕
អត្ថបទ៖ សំអឿន
សូមចុចអាន៖ ខេត្តសៀមរាប រកឃើញអ្នកវិជ្ជមានកូវីដ ថ្មីចំនួន២០នាក់បន្ថែម និងជាសះស្បើយ៦នាក់
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
-
សន្តិសុខសង្គម១៣ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៣ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច