ព័ត៌មានជាតិ

អាវុធហត្ថខេត្តតាកែវទទួលអំណោយពីយោធាការពារព្រំដែនខេត្តអាងយ៉ាងប្រទេសវៀតណាម

បានផុស

៣ years មុន

នៅ

ថ្ងៃពុធ ៩ មិថុនា ២០២១

ដោយ

នៅព្រឹកថ្ងៃទី៩ ខែមិថុនា ឆ្នាំ២០២១នេះ បញ្ជាការយោធាការពារព្រំដែនខេត្តអាងយ៉ាង នៃប្រទេសវៀតណាម បានផ្តល់ជាសម្ភារៈវេជ្ជសាស្ត្រដើម្បីការពារជំងឺកូវីដ១៩ដល់បញ្ជាការដ្ឋានកងរាជអាវុធហត្ថខេត្តតាកែវ។

ក្នុងពិធីទទួលអំណោយនោះមានលោកវរៈសេនីយ៍ឯក អេង ប៉ជាក មេបញ្ជាការរងកងរាជអាវុធហត្ថខេត្តតាកែវ និងលោកវរៈសេនីយ៍ត្រី ហាលីម ការីម អនុប្រធានមន្ទីរភស្តុភារតំណាងលោកឧត្តមសេនីយ៍ត្រី ឡា ឡៃ មេបញ្ជាកងរាជអាវុធហត្ថខេត្តតាកែវ ព្រមទាំងមន្ត្រីជាច្រើនរូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា សម្ភារៈវេជ្ជសាស្ត្រដែលភាគីវៀតណាមផ្តល់មកដល់កងរាជអាវុធហត្ថខេត្តតាកែវសម្រាប់ការពារជំងឺកូវីដ១៩នោះរួមមាន ជែលលៀងសម្អាតដៃ ចំនួន២០កេស ម៉ាស់ចំនួន៨កេស ថ្នាំពេទ្យចំនួន១កេស និងថវិកាមួយចំនួនទៀតផងដែរ៕

អត្ថបទ ៖ វីរៈ