ព័ត៌មានជាតិ

អភិបាលខណ្ឌដូនពេញចុះពិនិត្យ និងសម្របសម្រួលដំណើរការចាក់វ៉ាក់សាំងការពារជំងឺកូវីដ១៩ ក្នុងមូលដ្ឋាន៥ទីតាំង

បានផុស

៤ years មុន

នៅ

ថ្ងៃពុធ ៩ មិថុនា ២០២១

ដោយ

លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានដឹកនាំមន្ដ្រីពាក់ព័ន្ធចុះពិនិត្យ និងសម្របសម្រួល ដំណើរការចាក់វ៉ាក់សាំងការពារជំងឺកូវីដ១៩ ទាំង៥ទីតាំង ក្នុងមូលដ្ឋានខណ្ឌដូនពេញកាលនាព្រឹកថ្ងៃពុធទី០៩ ខែមិថុនា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មណ្ឌល ទាំង៥ទីតាំងនោះរួមមាន សាលាបឋមសិក្សាហាំងង៉ោ, សាលាបឋមសិក្សាអនុវត្ត, សាលាបឋមសិក្សា-អនុវិទ្យាល័យចតុមុខ, សាលាបឋមសិក្សាព្រះនរោត្តម និង វិទ្យាល័យ ប៊ុនរ៉ានី ហ៊ុនសែន វត្តភ្នំ ដើម្បីបងប្អូនប្រជាពលរដ្ឋមកទទួលយកវ៉ាក់សាំងប្រកបដោយសុវត្ថិភាព។

ជាមួយគ្នានោះដែរ រដ្ឋបាលខណ្ឌដូនពេញ ក៏សូមធ្វើការផ្សព្វផ្សាយ និងអំពាវនាវដល់បងប្អូនប្រជាពលរដ្ឋដែលមានទីលំនៅក្នុងខណ្ឌដូនពេញ ដែលមិនទាន់បានទទួលការចាក់វ៉ាក់សាំងការពារជំងឺកូវីដ១៩ សូមអញ្ជើញមកចាក់វ៉ាក់សាំងតាមទីតាំងមណ្ឌលដែលរដ្ឋបាលខណ្ឌ និងក្រសួងសុខាភិបាលបានកំណត់ខាងលើ ជាពិសេសសូម បងប្អូនប្រជាពលរដ្ឋ ដែលអញ្ជើញមកទទួលយកសេវាខាងលើ សូមប្រកាន់ភ្ជាប់វិធានការសុខាភិបាល ៣កុំ ៣ការពារ និង គោរពតាមការណែនាំនាំរបស់គ្រូពេទ្យក្រោយពេលបានចាក់វ៉ាក់សាំងផងដែរ ដើម្បីធានាបានថាបងប្អូនទទួលបានវ៉ាក់សាំង ដែលមានប្រសិទ្ធភាព និងសុវត្ថិភាព៕