ព័ត៌មានជាតិ

កម្លាំងចម្រុះរបស់សាលាខណ្ឌច្បារអំពៅចុះផ្សព្វផ្សាយឲ្យរុះរើផ្ទះបណ្តែតទឹកចេញ

បានផុស

៤ years មុន

នៅ

ថ្ងៃពុធ ៩ មិថុនា ២០២១

ដោយ

ភ្នំពេញ ៖ នៅរសៀលថ្ងៃទី៩ខែមិថុនានេះលោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានដឹកនាំកម្លាំងចម្រុះចុះផ្សព្វផ្សាយសេចក្តីជូនដំណឹងរបស់សាលារាជធានីភ្នំពេញស្តីពីវិធានការរុះរើនិងចល័តចេញបែរត្រីនិងផ្ទះបណ្តែតទឹកចេញពីទឹកដីខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការធ្វើដំណើរចេញទៅផ្សព្វផ្សាយគឺតាមរយៈអូរប័រជាច្រើនគ្រឿងដែលចាប់ផ្តើមពីទន្លេបាសាក់ក្នុងភូមិសាស្ត្រសង្កាត់ព្រែកថ្មី សង្កាត់ព្រែកប្រា សង្កាត់ច្បារអំពៅទី២ សង្កាត់និរោធ សង្កាត់ព្រែកឯង សង្កាត់វាលស្បូវនិងសង្កាត់ក្បាលកោះរហូតដល់ព្រំប្រទល់ស្រុកកៀនស្វាយខេត្តកណ្តាល។

យោងតាមប្រភពពីលោក ណុប ផា អភិបាលរងខណ្ឌច្បារអំពៅដែលបានធ្វើដំណើរតាមអូរប័រចុះតាមទៅផ្សព្វផ្សាយនារសៀលថ្ងៃទី៩ ខែមិថុនានេះថា មកដល់ថ្ងៃនេះគឺផ្ទះបណ្តែតទឹកមួយចំនួនកំពុងរុះរើជាបណ្តើៗហើយ។ ហើយតាមកាលកំណត់គឺបញ្ចប់ត្រឹមថ្ងៃទី១០ខែមិថុនានេះ។ចំពោះអ្នកដែលមិនទាន់រុះរើគឺសាលារាជធានីភ្នំពេញនិងមានវិធានការណ៍បន្ត។