ព័ត៌មានជាតិ
សមត្ថកិច្ចចុះពិនិត្យដីព្រៃលិចទឹកដែលត្រាក់ទ័រ៤គ្រឿងលួចឈូសឆាយ មិនព្រមបង់ការផាកពិន័យ
កំពង់ឆ្នាំង ៖ ត្រាក់ទ័រ ៤គ្រឿងត្រូវបានសមត្ថកិច្ចជលផលចាប់ឃាត់ទុកបន្ទាប់ពីបានឈូសឆាយដីព្រៃលិច ទឹកដោយខុសច្បាប់នៅខាងកើតសាលាឃុំស្វាយរំពារ ស្រុកកំពង់លែង និងបានធ្វើការផាកពិន័យតាមផ្លូវច្បាប់។ ប៉ុន្តែដោយមានការតវ៉ាពីប្រជាពលរដ្ឋជាម្ចាស់ត្រាក់ទ័រ និងអាជ្ញាធរឃុំ ទើបនៅព្រឹកថ្ងៃទី ០៨ ខែខែមិថុនានេះ សមត្ថកិច្ចចម្រុះក៏បានចុះទៅពិនិត្យព្រៃលិចទឹកដែលរងការខូចខាត ដើម្បីដាក់បន្ទុកលើត្រាក់ទ័រដែលចូលលួចឈូសឆាយដីព្រៃខុសច្បាប់។
ទាក់ទងនឹងករណីនេះ លោកលី ឡានាយ ខណ្ឌរដ្ឋបាលជលផលកំពង់ ឆ្នាំងនៅល្ងាចថ្ងៃទី ០៨ ខែមិថុនានេះ បានបញ្ជាក់ឲ្យដឹងថា កាលពីថ្ងៃទី ៧ ខែមិថុនា សមត្ថកិច្ចជល ផលបានចុះចាប់ឃាត់គ្រឿងចក្រចំនួន ៤ គ្រឿងដែលកំពុងធ្វើសកម្មភាពឈូសឆាយដីព្រៃលិចទឹក នៅខាងកើតសាលាឃុំស្វាយរំពារ។ ក្រោយមកសមត្ថកិច្ចក៏បានអំពាវនាវឲ្យម្ចាស់ត្រាក់ទ័រចូលខ្លួនមកធ្វើការផាកពិន័យតាមផ្លូវច្បាប់ គឺក្នុងត្រាក់ទ័រមួយគ្រឿងត្រូវផាក ពិន័យចំនួន ២ លានរៀល។
លោកនាយខណ្ឌរដ្ឋបាលជលផលបានបានបញ្ជាក់ថា ក្រោយពីការជូនដំណឹងពីការផាកពិន័យលើត្រាក់ទ័រទាំង ៤ គ្រឿងនេះ ក៏មានប្រតិកម្មពីអាជ្ញាធរភូមិឃុំនិងម្ចាស់ត្រាក់ទ័រមកតវ៉ាថាដីព្រៃខាងលើនេះគឺជាដីដែលប្រជាពលរដ្ឋធ្លាប់អាស្រ័យផលតាំង ពីឆ្នាំ៨០ជាង និង៩០ ជាង និងថាការផាកពិន័យរបស់សមត្ថកិច្ចជលផលជារឿងខុសច្បាប់។
ដោយសារផ្ទុះការតវ៉ានេះហើយ ទើបនៅព្រឹកថ្ងៃទី៨ ខែមីនា សមត្ថកិច្ចចម្រុះរួមនិងអាជ្ញាធរស្រុកក៏បានចុះទៅពិនិត្យមើលដីព្រៃលិចទឹកដែលរងការខូចខាត ប្រមាណ ៦០ អា។ បន្ទាប់មកនៅរសៀលថ្ងៃដដែលនេះ ក្រុមសមត្ថកិច្ចចម្រុះក៏បានអញ្ជើញម្ចាស់ត្រាក់ទ័រនិងអាជ្ញាធរមកប្រជុំដោះស្រាយនៅសាលា ស្រុកកំពង់លែង។
នៅក្នុងកិច្ចប្រជុំដោះស្រាយនេះសមត្ថកិច្ចជំនាញ និងអាជ្ញាធរស្រុកបានពន្យល់អំពីផ្លូវច្បាប់ថា ការឈូសឆាយដី ត្រូវមានច្បាប់អនុញ្ញាតពីអាជ្ញាធរ។ ដូច្នេះបើដីពួកគាត់ធ្លាប់អាស្រ័យផលខាងលើនេះពិតមែន ប៉ុន្តែការបោះបង់ចោលមិនអាស្រ័យផលជាង ៣០ ឆ្នាំទៅហើយនោះ ត្រូវបានព្រៃដុះខ្ពស់លិចក្បាលទៅហើយ គឺសមត្ថកិច្ចត្រូវតែរក្សាការពារព្រៃលិចទឹកទាំងអស់នោះជាសម្បត្តិរដ្ឋ។ ដូច្នេះបើចង់ឈូសឆាយព្រៃខាងលើនេះ អាស្រ័យផល ត្រូវសុំច្បាប់អនុញ្ញាតពីគណៈកម្មាធិការគ្រប់គ្រងដីរដ្ឋរបស់ខេត្ត ប្រសិនបើខេត្តសម្រេចប្រគល់ដីព្រៃ ដែលធ្លាប់ប្រជាពលរដ្ឋអះអាងថា ជាដីធ្លាប់អាស្រ័យវិញនោះ សមត្ថកិច្ចក៏ពុំហាមឃាត់នោះដែរ។ លោកលី ឡា បានបញ្ជាក់ទៀតថា ក្រោយពីសមត្ថកិច្ចជំនាញពន្យល់ពីផ្លូវច្បាប់រួចមក អាជ្ញាធរភូមិឃុំនិងម្ចាស់ត្រាក់ទ័រ ក៏បានយល់អំពីច្បាប់ហើយក៏ព្រមបង់ការផាកពិន័យតាមផ្លូវច្បាប់ ដើម្បីយកត្រាក់ទ័រទៅអាជីវកម្មឡើងវិញ៕
ដោយ ៖ ឈៀងថារិទ្ធ
ប៉ូលិស LA ចាប់បាន ចោរបន្លំខ្លួនជាអ្នកពន្លត់អគ្គិភ័យ ចូលលួចទ្រព្យសម្បត្តិក្នុងផ្ទះដែលត្រូវភ្លើងឆេះ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ខណៈកម្ពុជាកំពុងចុះត្រជាក់ខ្លាំង ឯកឧត្ដម ហ៊ុន ម៉ានី ប្រាប់ឱ្យយកចិត្តទុកដាក់ចំពោះសុខភាពមនុស្សចាស់ និងកុមារ
អតិរេកពាណិជ្ជកម្មចិនប្រចាំឆ្នាំ ២០២៤ ហក់ឡើងជិត ១ ទ្រីលានដុល្លារខ្ពស់បំផុតក្នុង ប្រវត្តិសាស្រ្ត
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
នគរបាលបញ្ជូនអ្នកបើករថយន្ដបុកម៉ូតូស្លាប់ឪពុកកូន៣នាក់នៅផ្លូវ៦០ម៉ែត្រទៅតុលាការ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
មនុស្សស្លាប់ដោយសារភ្លើងឆេះព្រៃនៅ LA កើនដល់២៤នាក់ ខណៈ តួលេខអាចហក់ឡើងខ្ពស់ទៀត
-
ព័ត៌មានជាតិ៤ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ សប្តាហ៍ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៥ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ២ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៣ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ