ព័ត៌មានជាតិ
ផ្ទះពលរដ្ឋ និងដងផ្លូវមួយចំនួនក្នុងក្រុងខេមរភូមិន្ទ រងការជន់លិច ខណៈភ្លៀងបន្តធ្លាក់ឥតឈរ
ដងផ្លូវធ្វើដំណើរទៅមក និងផ្ទះប្រជាពលរដ្ឋមួយចំនួនរងការជន់លិច ដោយសារភ្លៀងធ្លាក់ច្រើនចាប់ពីយប់មិញរហូតដល់ម៉ោង២រសៀលថ្ងៃទី១០ ខែមិថុនា នេះ។
ដំណក់ទឹកភ្លៀងបន្តធ្លាក់ឥតឈប់ឈរពីតិចទៅច្រើនជាង២ថ្ងៃមកនេះ ជាក់ស្តែងគេសង្កេតឃើញមានលំនៅដ្ឋានពលរដ្ឋ និងផ្លូវធ្វើដំណើរមួយចំនួនបានជន់លិចបង្កការលំបាកដល់ការរស់នៅ និងធ្វើចរាចរណ៍ ធ្វើការងារប្រកបអាជីវកម្ម។ ចំណែកឯប្រជានេសាទក៏បានចតក្បែរច្រាំងពុំហ៊ានចេញទូកទៅសមុទ្រដែរ។
ក្រុមប្រជាពលរដ្ឋរស់នៅភូមិ៣ សង្កាត់ស្មាច់មានជ័យ ឱ្យដឹងនៅថ្ងៃទី១០ ខែមិថុនា នេះថា រាល់ពេលមានភ្លៀងធ្លាក់ខ្លាំងជាច្រើនម៉ោងជាប់គ្នា គឺផ្ទះរបស់គាត់នឹងត្រូវលិចហើយ ដោយសារតែប្រព័ន្ធមួយចំនួនតាមមុខផ្ទះពលរដ្ឋមានទំហំតូច ដែលមិនអាចឱ្យទឹកបានហូរបានលឿនទេ។
ពលរដ្ឋបន្តថា បញ្ហាមួយនេះក៏បណ្តាលមកពីការចោលសំរាមពាសវាលពាសកាលផងដែរ ទើបធ្វើឲ្យសំរាមហូរបាំងមាត់ប្រឡាយ លូ ដូច្នេះពួកគាត់សំណូមពរដល់ពលរដ្ឋដ៏ទៃចូលរួមរៀបចំទុកដាក់សំរាមឲ្យត្រឹមត្រូវ មានសណ្តាប់ធ្នាប់ រីឯអាជ្ញាធរគួរពិនិត្យជួសជុលស្តារប្រព័ន្ធលូទឹកស្អុយឡើងវិញ។
ក្រសួងធនធានទឹក និងឧតុនិយម កាលពីថ្ងៃទី៨ ខែមិថុនា ឆ្នាំ២០២១ថ្មីៗនេះ បានជូនដំណឹងពីការប្រែប្រួលថា ចាប់ពីថ្ងៃទី៩ ដល់ថ្ងៃទី១២ ខែមិថុនា ប្រទេសកម្ពុជានឹងទទួលឥទ្ធិពលពីខ្យល់មូសុងនិរតីខ្លាំង និងប្រព័ន្ធសម្ពាធទាប។ ហើយចាប់ពីថ្ងៃទី១៣ដល់១៥ខែមិថុនា ដដែល នឹងបន្តទទួលរងឥទ្ធិពលជ្រលងនៃកូនព្យុះឈ្មោះ កូហ្គូម៉ា លើកទី៤ TS KOGUAM 2104។
គ្រោះធម្មជាតិនេះ បង្កឱ្យកើតមានជាភ្លៀង ខ្យល់កន្ក្រាក់ ផ្គររន្ទះ និងមានទឹករលកខ្ពស់ៗតាមតំបន់ឆ្នេរសមុទ្រ និងតំបន់ជួរភ្នំដងរែក ព្រមទាំងខ្ពង់ឥសាន។
បញ្ហាទឹកភ្លៀក្នុងខេមរភូមិន្ទ ត្រូវបានលោក ឈឹម ចិន អភិបាលរងក្រុងខេមរភូមិន្ទ ឱ្យដឹងថា មុនរដូវវស្សាចូលមកដល់ អាជ្ញាធរពាក់ព័ន្ធបានជីកស្តារប្រព័ន្ធប្រឡាយលូរំដោះទឹកស្អុយស្ទើរគ្រប់គោលដៅរួចរាល់ហើយ។ ការដែលមានទឹកលិចផ្លូវ និងផ្ទះពលរដ្ឋមួយចំនួនយ៉ាងដូច្នេះ ព្រោះតែទំហំបរិមាណទឹកភ្លៀងច្រើនលើសលុបពេកបង្កទឹកហូរចូលប្រព័ន្ធលូមិនទាន់។
លោកអភិបាលរងក្រុងខេមរភូមិន្ទ ទទួលស្គាល់ដែរថា ប្រព័ន្ធរំដោះទឹកក្នុងទីក្រុងទំហំតូចពុំអាចដោះស្រាយចរន្តទឹកហូរបានលឿននោះទេ ករណីបើភ្លៀងរាំងបាន៣ម៉ោង គឺជំនន់ទឹកភ្លៀងនេះនឹងស្រកអស់វិញហើយ។ លោកក៏ណែនាំដល់មេភូមិចៅសង្កាត់ តាមដានពិនិត្យទីតាំងដែលជន់លិច ឬមានសំរាមបាំងមុខទឹក ត្រូវកាយស្តារជាបន្ទាន់៕
អត្តបទ ៖ សិរីវឌ្ឍនៈ
សម្ដេចធិបតី ណែនាំឱ្យរៀបចំអង្គរសង្ក្រានឡើងវិញ
កម្ពុជាទទួលបានទេសចរអន្តរជាតិជាង ៤ លាននាក់ ក្នុងរយៈពេល ៨ ខែ
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
ការកក់បន្ទប់ស្នាក់នៅតាមគោលដៅទេសចរណ៍មានតិចតួច ក្នុងឱកាសបុណ្យភ្ជុំបិណ្ឌ
បុរសម្នាក់ចូលព្រៃកាប់ឈើ ក្នុងតំបន់ហាមឃាត់ជាន់មុីនបណ្តាលឲ្យដាច់ជើងម្ខាងរបួសធ្ងន់
រដ្ឋ Florida ជួបព្យុះសង្ឃរាកំណាច ប្រឈមហានិភ័យ បង្កគ្រោះមហន្តរាយធំធេង
នាវាមុជទឹកនុយក្លេអ៊ែរថ្មីបំផុតរបស់ចិន បានលិច បង្កជាភាពអាម៉ាស់មិនស្ទើរដល់ក្រុងប៉េកាំង
ទៅដល់រដ្ឋ Florida ភ្លាម ព្យុះសង្ឃរាកំណាច Helene បណ្តាលឲ្យមានមនុស្សស្លាប់ភ្លែត
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
អាមេរិក ជូនរង្វាន់ ២០លានដុល្លារ បើអ្នកណាផ្តល់ព័ត៌មាន ឈានដល់ការចាប់ខ្លួន ជនជាតិអ៊ីរ៉ង់ម្នាក់
-
ព័ត៌មានអន្ដរជាតិ៣ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ