ប្រធាន​ក្រុមប្រឹក្សា​ខេត្ត​បាត់ដំបង​ម្នាក់​ បាន​ទទួល​មរណភាព​ហើយ​នៅ​ថ្ងៃ​នេះ​ដោយ​ជរាពាធ

​ក្រោយពី​បាន​ទទួល​ដំណឹង​ដ៏​ក្រៀមក្រំ​នេះ​ភ្លាមៗ​រដ្ឋបាលខេត្ត​បាត់ដំបង​ផ្ញើ​សារ​រំលែក​ទុក្ខ​ដល់​ក្រុមគ្រួសារ​សព​និង​សេចក្តី​ជូនដំណឹង​មរណភាព​របស់​ឯកឧត្តម ​អ៊ុក វង្ស​ អតីត​ប្រធាន​ក្រុមប្រឹក្សា​ខេត្ត​បាត់ដំបង​ដល់​បណ្តា​ស្ថាប័ន​ និង​មន្ទីរ​ពាក់ព័ន្ធ​ជុំវិញ​ខេត្ត​បាត់ដំបង​ផង​ដែរ​ ដើម្បី​ចូលរួម​រំលែក​ទុក្ខ​ដល់​ក្រុម​គ្រួសារ​សព​។

​នៅក្នុង​សេចក្តីជូនដំណឹង​បានសរសេរថា យើងខ្ញុំ​ទាំងអស់គ្នា​ជាទី​ប្រឹក្សា​ខេត្ត​គ​ណៈអភិបាលខេត្ត​ថ្នាក់ដឹកនាំ​មន្ត្រីរាជការ​សាលាខេត្ត​កងកម្លាំងប្រដាប់អាវុធ​មន្ទីរ​ជុំវិញ​ខេត្ត​មាន​សេចក្តី​រន្ធត់​ក្ដុកក្ដួល​រំជួលចិត្ត​ក្រៀមក្រំ​ជាទីបំផុត​ ដោយ​បាន​ទទួល​ដំណឹង​ថា ​ឯកឧត្តម​ អ៊ុក វង្ស​អតីត​ប្រធាន​ក្រុមប្រឹក្សា​ខេត្តបាត់ដំបង​បាន​ទទួល​មរណភាព​នៅ​វេលា​ម៉ោង​០៧​និង​០០​នាទី​ព្រឹក​នា​ថ្ងៃទី​១០​ខែ​មិថុនា​នេះ ​ក្នុង​ជន្មាយុ​៨០​ឆ្នាំ​ដោយ​ជរាពាធ​៕​

អត្ថបទ៖ សៅ សារិទ្ធ​

​