ព័ត៌មានជាតិ

ប្រទេសអ្នកមាន G7 នឹងបរិច្ចាគវ៉ាក់សាំង១ពាន់លានដូសដល់ប្រទេសខ្វះខាត

បានផុស

៤ years មុន

នៅ

ថ្ងៃសុក្រ ១១ មិថុនា ២០២១

ដោយ

ប្រទេសអ្នកមានទាំង៧ G7 នឹងបរិច្ចាគវ៉ាក់សាំងការពារកូវីដ-១៩ចំនួន១ពាន់លានដូសដល់ប្រទេសខ្វះខាតដែលដំណឹងនេះចេញពីកិច្ចប្រជុំកំពូលប្រទេសទាំង៧នៅថ្ងៃសុក្រ ទី១១ ខែមិថុនានេះ។

ប៉ុន្មានម៉ោង បន្ទាប់ពីលោកប្រធានាធិបតីសហរដ្ឋអាមេរិក ចូ បៃដិន បានប្តេជ្ញាបរិច្ចាគវ៉ាក់សាំង Pfizer ចំនួន៥០០លានដូស លោកនាយករដ្ឋមន្ត្រីអង់គ្លេស Johnson ក៏បានប្រាប់ថា អង់គ្លេសក៏នឹងបរិច្ចាគវ៉ាក់សាំងយ៉ាងហោចណាស់១០០លានដូសដល់ប្រទេសខ្វះខាតដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Johnson បានអំពាវនាវឲ្យមេដឹកនាំប្រទេសអ្នកមាន G7 ដែលចូលរួមកិច្ចប្រជុំកំពូលបរិច្ចាគវ៉ាក់សាំងដល់ពិភពលោកឲ្យបានគ្រប់ទាំងអស់ត្រឹមបំណាច់ឆ្នាំ២០២២ ហើយក្រុមប្រទេសទាំងនេះរំពឹងថា នឹងបរិច្ចាគវ៉ាក់សាំងចំនួន១ពាន់លានដូសដែលនឹងត្រូវបានប្រកាសឲ្យដឹងនៅក្នុងកិច្ចប្រជុំកំពូលរយៈពេល៣ថ្ងៃនៅចក្រភពអង់គ្លេស។

ក្រុមយុទ្ធនាការណ៍ផ្សព្វផ្សាយស្វែងរកវ៉ាក់សាំងមួយចំនួនបានថ្កោលទោសចំពោះផែនការនេះថាជាការធ្លាក់ចុះ ខណៈអង្គការ Oxfam បានប៉ាន់ស្មានថា មនុស្សជិត៤ពាន់លាននាក់នឹងពឹងផ្អែកលើវ៉ាក់សាំងរបស់គម្រោង COVAX ដែលជាកម្មវិធីចែកវ៉ាក់សាំងទៅបណ្តាប្រទេសដែលមានប្រាក់ចំណូលទាប និងមធ្យម។

យោងតាមសេចក្តីប្រកាសដែលចេញផ្សាយដោយការិយាល័យនាយករដ្ឋមន្ត្រីអង់គ្លេស លោក Johnson នឹងលើកឡើងនៅថ្ងៃសុក្រនេះថា ៖«ជាលទ្ធផលនៃការទទួលបានជោគជ័យពីកម្មវិធីចាក់វ៉ាក់សាំងរបស់ចក្រភពអង់គ្លេស ឥឡូវនេះយើងស្ថិតនៅលើគោលជំហរដើម្បីចែករំលែកវ៉ាក់សាំងរបស់យើងដែលលើសដល់ប្រទេសដែលត្រូវការ។ ធ្វើបានដូច្នេះ យើងនឹងបោះជំហានទៅមុខយ៉ាងធំដើម្បីកម្ចាត់កូវីដ-១៩»៕

ប្រែសម្រួល៖ វីរបុត្រ
ប្រភព៖ Reuters

Related Topics:វ៉ាក់សាំងកូវីដ-១៩