ព័ត៌មានជាតិ
ម៉ាឡេស៊ីធ្ងន់ធ្ងរខ្លាំងដោយសារផ្ទុះកូវីដជាចង្កោម៦០កន្លែងក្នុងពិធីសាសនា
ក្រសួងសុខាភិបាលបានឲ្យដឹងនៅថ្ងៃព្រហស្បតិ៍ ទី១០ ខែមិថុនា ថា ការជួបគ្នាក្នុងពិធីបុណ្យសាសនានៅប្រទេសម៉ាឡេស៊ីបានជំរុញឲ្យផ្ទុះកូវីដ-១៩ជាចង្កោមដល់៦០កន្លែងដែលរកឃើញអ្នកវិជ្ជមាន៣៥១១នាក់។
អាជ្ញាធរបានឲ្យដឹងថា ចាប់ពីថ្ងៃទី១៣ ខែឧសភា ដល់ថ្ងៃទី១០ ខែមិថុនា មានករណីឆ្លងជាក្រុមឬចង្កោមចំនួន៥៨កន្លែងពាក់ព័ន្ធនឹងពិធីបុណ្យ Eid al-Fitr និង២កន្លែងទៀតពាក់ព័ន្ធនឹងពិធីបុណ្យ Hari Gawai ត្រូវបានរកឃើញ។ សរុបអ្នកធ្វើតេស្តមានចំនួន ១៣ ០២៣នាក់ ដែលមាន២៧%នៃពួកគេរកឃើញវិជ្ជមាន។

នៅរដ្ឋ Sabah រកឃើញករណីឆ្លងជាចង្កោមខ្ពស់ជាងគេដល់១១កន្លែង ខណៈរដ្ឋ Sarawak និង Kedah មានអ្នកឆ្លងជាចង្កោមមាន៨ និង៧កន្លែង។
ចំណែកនៅរដ្ឋ Perak និង Kelantan រកឃើញឆ្លងជាចង្កោម៦កន្លែងដូចគ្នា ហើយនៅរដ្ឋ Johor និង Pahang រកឃើញ៥កន្លែងដូចគ្នា ខណៈ Labuan, Selangor និងPenang រកឃើញ២កន្លែងដូចគ្នា។ ជាមួយគ្នានេះ នៅមានករណីឆ្លងជាចង្កោម៣កន្លែងទៀតពាក់ព័ន្ធនឹងពិធីបុណ្យដែរនៅទីកក្រុងកូឡាឡាំពួរ Negeri Sembilan និង Terengganu។
យោងតាមអគ្គនាយកសុខាភិបាល លោក Noor Hisham Abdullah បានឲ្យដឹងថា លទ្ធផលនៃករណីឆ្លងជាចង្កោមនេះបានធ្វើឲ្យមនុស្ស២០នាក់បានស្លាប់ និង១១នាក់កំពុងស្ថិតនៅកន្លែងសង្គ្រោះបន្ទាន់គិតត្រឹមថ្ងៃព្រហស្បតិ៍។
ចំនួនអ្នកជំងឺកូវីដ-១៩ធ្ងន់ធ្ងរនៅម៉ាឡេស៊ីបានជាប់កំណត់ត្រា១៧ថ្ងៃជាប់គ្នាចាប់ពីថ្ងៃទី២៥ ខែឧសភា ដល់ថ្ងៃទី១០ ខែមិថុនា។
លោកវេជ្ជបណ្ឌិត Noor Hisham លើកឡើងថា ការកើនឡើងករណីឆ្លង និងមរណភាពពាក់ព័ន្ធនឹងចង្កោមនៃពិធីបុណ្យសាសនាគឺ «ធ្ងន់ធ្ងរ និងគួរឲ្យព្រួយបារម្ភ» ដោយសារវាបានរាលដាលលឿនក្នុងរយៈពេលខ្លី។

លោកបន្ថែមថា ៖«វាជាការទទួលខុសត្រូវសម្រាប់អ្នកទាំងអស់គ្នាដើម្បីការពារខ្លួន និងអ្នកដែលងាយរងគ្រោះ ជាពិសេសមនុស្សចាស់នៅផ្ទះដែលរងគ្រោះពីកូនចៅ»។
គិតត្រឹមថ្ងៃព្រហស្បតិ៍ ទី១០ ខែមិថុនា ប្រទេសម៉ាឡេស៊ីមានករណីឆ្លងកូវីដ-១៩សរុប ៦៣៩ ៥៦២នាក់ និង៧៩ ៨៤៨នាក់មិនទាន់ជាសះស្បើយទេ ខណៈមរណភាពជាង៣ពាន់នាក់៕
ប្រែសម្រួល៖ វីរបុត្រ
ប្រភព៖ Malaymail

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ