ព័ត៌មានជាតិ

ខេត្តរតនគិរី រកឃើញអ្នកឆ្លងជំងឺកូវីដ១៩ម្នាក់ ជាអ្នកធ្វើដំណើរមកពីភ្នំពេញ

បានផុស

៤ years មុន

នៅ

ថ្ងៃសុក្រ ១១ មិថុនា ២០២១

ដោយ

រដ្ឋបាលខេត្តរតនគិរី បានប្រកាសពីការរកឃើញអ្នកឆ្លងជំងឺកូវីដ១៩ ម្នាក់បន្ថែមទៀត កាលពីថ្ងៃទី១០ ខែមិថុនា ឆ្នាំ២០២១។ នេះបើតាមសេចក្តីប្រកាសព័ត៌មានរបស់រដ្ឋបាលខេត្តរតនគិរីបានបញ្ជាក់ថា អ្នកឆ្លងជំងឺកូវីដ-១៩ ឈ្មោះ តុប វណ្ណណេត ភេទប្រុស អាយុ២៥ឆ្នាំ ជនជាតិខ្មែរមុខរបរជាងដែក មានទីលំនៅអចិន្ត្រៃយ៍ ភូមិព្រៃសំពៅ ឃុំប្រសិទ្ធិ ស្រុករលាប្អៀរ ខេត្តកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១០ ខែមិថុនា ឆ្នាំ២០២១ បានធ្វើដំណើរតាមរថយន្តឈ្នួលដឹកអ្នកដំណើរពីភ្នំពេញមកខេត្តរតនគិរី តាមរថយន្តម៉ាក Ford ពាក់ស្លាកលេខភ្នំពេញ2AV-4159 និងបានមកដល់ចំណុចត្រួតពិនិត្យបឋម ស្ពានស្រែពកព្រំប្រទល់ខេត្តរតនគិរី និងខេត្តស្ទឹងត្រែង ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី ដែលប្រចាំការនៅចំណុចគោលដៅបានធ្វើការត្រួតពិនិត្យ និងកំណត់ចូលនិយមន័យសង្ស័យ ធ្វើតេស្តរហ័ស លទ្ធផលវិជ្ជមានជំងឺកូវីដ-១៩។ ដោយឡែកអ្នករួមដំណើរ ១០នាក់ផ្សេងទៀតអវិជ្ជមាន។

បច្ចុប្បន្នអ្នកវិជ្ជមាន និងអ្នកពាក់ព័ន្ធត្រូវបានបញ្ជូនទៅព្យាបាល និងធ្វើចត្តាឡីស័កនៅវិទ្យាល័យត្រពាំងក្រហមស្ថិតនៅភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី៕

អត្ថបទ៖ វុទ្ធឦសាន

សួមចុចអាន៖