Connect with us

ព័ត៌មានជាតិ

ថៃផ្តល់វិភាគទាន៣ម៉ឺនដុល្លារ ជូនរដ្ឋាភិបាលកម្ពុជា សម្រាប់ស្តារឡើងវិញក្រោយគ្រោះទឹកជំនន់

បានផុស

នៅ

រដ្ឋាភិបាល​នៃ​ព្រះរាជាណាចក្រ​ថៃ​ បាន​ផ្ដល់​វិភាគទាន ចំនួន៣ម៉ឺនដុល្លារអាមេរិក ជូនដល់​រាជរដ្ឋាភិបាល​កម្ពុជា​ ដើម្បីចូលរួមស្តារឡើងវិញ ក្រោយគ្រោះទឹកជំនន់។

ថវិកា​ទាំងនេះ​ត្រូវបានលោក Panyarak Poolthup ឯកអគ្គរាជទូត​ថៃ​ប្រចាំ​កម្ពុជា​ ប្រគល់​ជួន​លោក​ទេស​រដ្ឋ​មន្ត្រី គន់ គីម អនុប្រធានទី១ គណៈកម្មាធិការ​ជាតិ គ្រប់គ្រងគ្រោះមហន្តរាយនៅថ្ងៃទី១៧ ខែវិច្ឆិកា ឆ្នាំ២០​២០​នៅទីស្នាក់ការកណ្តាលសមាគមអតីតយុទ្ធជន ។

លោក​ទេសរដ្ឋមន្ត្រី គន់ គីម ​ ក្នុង​នាម​រាជរដ្ឋាភិបាល​កម្ពុជា​ បាន​ថ្លែងអំណរ​គុណ​ដល់​រាជ​រដ្ឋាភិបាល ក៏ដូច​ជាប្រជា​ជន​ថៃ ដែលបានផ្តល់ជំនួយ​សម្រាប់​ស្តារឡើងវិញដល់ខេត្តរងគ្រោះដោយទឹកជំនន់​និងចូលរួម​សហការ ដើម្បីទប់ស្កាត់ជំងឺកូវីដ-១៩ ជាមួយកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ទេសរដ្ឋមន្ត្រី បានចាត់ទុក​កាយវិការ​របស់​រាជរដ្ឋាភិបាល​ថៃ ជាការ​ឆ្លុះបញ្ចាំង​ឱ្យ​ឃើញ​ពីមិត្តភាព សាមគ្គីភាព រវាងកម្ពុជា និងថៃ។

លោក​ទេសរដ្ឋមន្ត្រី ក៏​បាន​ថ្លែង​អំណរគុណ​ដល់​រដ្ឋាភិបាល​ថៃ ដែល​បាន​បង្ក​នូវ​លទ្ធភាព​ល្អ​ប្រសើរ នឹងបាន​ជួយ​សម្របសម្រួល​ដល់​ពលករ​កម្ពុជា ដែលទៅធ្វើការនៅប្រទេសថៃ ដែលជាកិច្ចសហប្រតិបត្តិការ​មួយ​យ៉ាងល្អ ដែលភាគីថៃ បានផ្តល់មកដល់កម្ពុជា។

​ជាការឆ្លើយតប ឯកអគ្គរាជទូតថៃ បានថ្លែងអំណរគុណ ចំពោះទំនាក់ទំនង និងកិច្ចសហប្រតិបត្តិការ​យ៉ាង​ល្អរវាង​រដ្ឋាភិបាល​ថៃ និង​រដ្ឋាភិបាល​កម្ពុជា ដែលបាន​បង្ក​លទ្ធភាព​គ្រប់​បែបយ៉ាង ក្នុងការជួយសម្រួល​ដល់​ប្រជាពលរដ្ឋថៃ ​។

​យោង​តាម​ទិន្នន័យ​ផល​ប៉ះពាល់​ខូចខាត ដោយ​ជំនន់​ទឹកភ្លៀង ឆ្នាំ​២០២០ របស់​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ បាន​ឲ្យ​ដឹងថា ជំនន់​ទឹកភ្លៀង ឆ្នាំ​២០២០ បាន​ធ្វើ​ឲ្យ​ប៉ះពាល់​រាជធានី​-​ខេត្ត ចំនួន​២០ ដោយមាន​ប្រជាជន​ជម្លៀស​ប្រមាណ​១១,៨៩៦​គ្រួសារ ស្មើ​ប្រមាណ​៤៧,៥៨៤​នាក់​ ,ប្រជាជន​ស្លាប់​៤៤​នាក់ ផ្ទះ​ប៉ះពាល់​ប្រមាណ​១៣៤,០០៣​ខ្នង និង​ខូច​ខាត​៦៣​ខ្នង សាលារៀន​លិច​ទឹក​ប្រមាណ​៩៥១​កន្លែង និង​វត្ត​លិច​ទឹក​ប្រមាណ​៣០៧​កន្លែង​។​

ស្រូវ​លិច​ទឹក​ប្រមាណ​២៨៤,៩៦១​ហិកតា និង​ដំណាំ​រួមផ្សំ​លិច​ទឹក​៩៧,០២៩​ហិកតា​, ផ្លូវជាតិ ផ្លូវ​ខេត្ត ផ្លូវ​គ្រួស​ក្រហម ប៉ះពាល់​ប្រមាណ​៦២៧​គីឡូម៉ែត្រ ផ្លូវលំ​ជនបទ​លិច​ទឹក​ប្រមាណ​១,៦៨៥ គីឡូម៉ែត្រ​ , ទំនប់ ប៉ះ​ពាល់​ប្រមាណ​៤៩​គីឡូម៉ែត្រ, ប្រឡាយ​មេ​ប៉ះពាល់​ប្រមាណ​២៧១​គីឡូម៉ែត្រ​, ប្រឡាយ​រង​ប៉ះពាល់​ប្រមាណ ២៧២​គីឡូម៉ែត្រ​, ប្រឡាយ​ប្រឡាយ​ស្រោចស្រព ប៉ះពាល់​ប្រមាណ​១៤៦​គីឡូម៉ែត្រ​, ច្រាំងទន្លេ ប៉ះពាល់​២១៩៥ ម៉ែត្រ៕

អត្ថបទ ៖ សំអឿន
 

 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

មន្ត្រីកម្ពុជាដែលអាមេរិកចោទថា រត់ពន្ធស្វាក្ដាមខុសច្បាប់ ត្រូវបានដោះលែង និងសម្រេចថាគ្មានទោស

ព័ត៌មានអន្ដរជាតិ២៧ នាទី មុន

រឿងកើតនៅមូស្គូ ក៏អាចកើតនៅអាមេរិក ដែរ

ព័ត៌មានអន្ដរជាតិ៧ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៩ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៩ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១០ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម