ព័ត៌មានជាតិ

សមត្ថកិច្ចស្រុកកំរៀង ចាប់បានថ្នាំញៀនជាង១គីឡូក្រាម ខណៈឃាត់ខ្លួនបានបុរសម្នាក់

បានផុស

៤ years មុន

នៅ

ថ្ងៃសៅរ៍ ១២ មិថុនា ២០២១

ដោយ

មុខសញ្ញាជួញដូរថ្នាំញៀនម្នាក់ និងថ្នាំញៀនប្រភេទម៉ាទឹកកក ជាង១គីឡូក្រាម ត្រូវបានកម្លាំងកងរាជអាវុធហត្ថស្រុកកំរៀងក្របួចបាន ខណ:ដែលជនសង្ស័យរូបនេះកំពុងធ្វើសកម្មភាពជាក់ស្តែង។

យោងតាមរបាយការណ៍របស់សមត្ថកិច្ចបានឱ្យដឹងថា កិច្ចប្រតិបត្តិការ ដែលធ្វើឡើងដោយកម្លាំងប៉េអឹមស្រុក បានធ្វើឡើង កាលពីវេលាម៉ោង ៣ និង ៣០ នាទី រសៀល ថ្ងៃទី១១ ខែមិថុនា ឆ្នាំ២០២១ ត្រង់ចំណុច ភូមិ ដូង ឃុំ បឹងរាំង ស្រុក កំរៀង ខេត្តបាត់ដំបង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រតិបត្តិការនេះ កម្លាំង អាវុធហត្ថស្រុកកំរៀង ឃាត់ខ្លួនជនសង្ស័យបាន ១ នាក់ ឈ្មោះ យឿន ជឿន ភេទ ប្រុស អាយុ ៣៦ ឆ្នាំ មុខរបរមិនពិតប្រាកដ ទីលំនៅភូមិស្វាយ ឃុំ បឹងរាំង ស្រុក កំរៀង ខេត្ត បាត់ដំបង ។ សមត្ថកិច្ចបានដកហូតវត្ថុតាងមួយចំនួនរួមមាន ១.គ្រឿងញៀនប្រភេទម៉ាទឹកកក ចំនួន ៦ កញ្ចប់ ទម្ងន់ ១.៣៧១,២៧ ក្រាម ២-ជញ្ជីងសម្រាប់ថ្លឹងគ្រឿងញៀន ១ គ្រឿង ៣-កែវសម្រាប់ប្រើប្រាស់គ្រឿងញៀនចំនួនមួយ ៤-ទូរស័ព្ទដៃ ១ គ្រឿង ម៉ាក វីវ៉ូ ពណ៌ក្រហម និង ៥-ម៉ូតូ ១ គ្រឿង ម៉ាកហុងដាឌ្រីម ពណ៌ខ្មៅ គ្មានស្លាកលេខ ។ បច្ចុប្បន្នជនសង្ស័យ និង វត្ថុតាងកំពុងរៀបចំបញ្ជូនទៅកាន់ទីបញ្ជាការដ្ឋានកងរាជអាវុធហត្ថខេត្ត ក្នុងការចាត់វិធានការតាមផ្លូវច្បាប់៕

អត្ថបទ៖សោ និយមរ័ត្ន