ព័ត៌មានជាតិ

នាយឧត្តមសេនីយ៍ នេត សាវឿន ផ្តល់ថវិកាដល់កងកម្លាំងនគរបាល២នាក់ មានវិជ្ជមានកូវីដ-១៩

បានផុស

៤ years មុន

នៅ

ថ្ងៃអង្គារ ១៥ មិថុនា ២០២១

ដោយ

ភ្នំពេញ ៖ លោកឧត្តមសេនីយ៍ត្រី ញ៉ែម សៅ ស្នងការរង តំណាងលោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ នៅថ្ងៃទី១៥ ខែមិថុនា ឆ្នាំ២០២១ បាននាំយកអំណោយរបស់ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ថវិកាចំនួន ២.០០០.០០០ ៛( ពីរលានរៀល ) ជូនដល់កងកម្លាំងនគរបាលនៃអធិការដ្ឋានស្រុកសំរោងទងចំនួន២នាក់ ដែលមានវិជ្ជមានកូវីដ-១៩ ហើយកំពុងសម្រាកព្យាបាលនៅមណ្ឌលពន្លឺថ្មី (ពើក) ស្ថិតនៅភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកវរសេនីយ៍ឯក ឃុត សុផល អធិការស្រុកសំរោងទង បានឲ្យដឹងថា ថវិកា២លានរៀលនោះដោយក្នុងម្នាក់ៗទទួលបានទឹកប្រាក់ចំនួន១.០០០.០០០ ៛( មួយលានរៀល), ទឹកបរិសុទ្ធ៥កេស, មីជាតិ ៣ កេស, និងទឹកក្រូច៣កេស។

ចំណែក ក្រុមការងារអធិការដ្ឋាននគរបាលស្រុកសំរោងទង បាននាំយកអំណោយ របស់លោក ស៊ីម រតនៈ អភិបាលស្រុកសំរោងទង និងអធិការដ្ឋាន ទៅចែកជូនកងកម្លាំងនគរបាលប៉ុស្តិ៍រដ្ឋបាល ចំនួន២ប៉ុស្តិ៍ គឺប៉ុស្តិ៍សែនដី និងប៉ុស្តិ៍សំរោងទង សរុបចំនួន១២នាក់ ដែលកំពុងធ្វើចត្តាឡីស័កនៅតាមផ្ទះរៀងៗ ក្នុងម្នាក់ៗទទួលបានៈ សម្ភារៈរបស់លោក ស៊ីម រតនៈ អភិបាលស្រុកសំរោងទង ដោយម្នាក់បានទទួលថវិកា ៥,០០០០រៀល, អង្ករ ២៥គីឡូក្រាម, មីជាតិយើង១កេស, ទឹកត្រី ទឹកស៊ីអ៊ីវ១យួរ, ត្រីខ១យួរ, សាប៊ូ១ដុំ, ថវិកាកងកម្លាំងរបស់អធិការដ្ឋាននគរបាលស្រុកសំរោងទង ម្នាក់ទទួលបាន ថវិកា ៥,០០០០រៀល ៕

ដោយ ៖ សំអឿន