ព័ត៌មានជាតិ

ដោះលែងបុរសជនជាតិចិនម្នាក់ ក្រោយចាប់ខ្លួន

បានផុស

៤ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

បុរសជនជាតិចិនម្នាក់ ត្រូវបានចៅក្រមសាលាដំបូងរាជធានីភ្នំពេញ សម្រេចកាលពីព្រលប់ថ្ងៃទី ១៧ ខែវិច្ឆិកា ឆ្នាំ២០២០ ដោះលែងឲ្យមានសេរីភាពវិញ បន្ទាប់ពីសមត្ថកិច្ចអាវុធហត្ថចាប់ខ្លួនបញ្ជូនមកតុលាការ តាមដីការបស់ចៅក្រមសើបសួរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទ ដែលតុលាការដោះលែងឲ្យត្រឡប់ទៅផ្ទះវិញនេះ ឈ្មោះ DENG SULI (តឹង ស៊ូលី)ភេទប្រុស អាយុ៥៦ឆ្នាំ មុខរបរជាពាណិជ្ជករ។ តាមដីកា សម្រេចចោទប្រកាន់របស់តុលាការ ឈ្មោះ DENG SULI ត្រូវបានចោទប្រកាន់ពីបទ « រំលោភលើទំនុកចិត្តពិសេសដោយអភិបាល ឬ បុគ្គលផ្សេងទៀត, បទលួចមានស្ថានទម្ងន់ទោស , និងបទបំផ្លិចបំផ្លាញឯកសារ » ប្រព្រឹត្តនៅរាជធានីភ្នំពេញកាលពីឆ្នាំ២០២០។

សំណុំរឿងព្រហ្មទណ្ឌខាងលើនេះ បានស្ថិតនៅដៃលោក ឆឹម ឬទ្ធី ចៅក្រមស៊ើបសួរសាលាដំបូងរាជធានីភ្នំពេញ ធ្វើការសាកសួរ។ ក្នុងនោះ ក្រោយសាកសួរចប់នៅព្រលប់ថ្ងៃដដែល ចៅក្រមស៊ើបសួរសម្រេចដាក់ឲ្យជនសង្ស័យ ស្ថិតនៅក្រោមការត្រួតពិនិត្យតាមផ្លូវតុលាការ និងអនុញ្ញាតឲ្យត្រឡប់ទៅវិញ៕

អត្ថបទ៖ មករា

សូមចុចអាន៖ ម៉ោង ២ យប់ រដ្ឋមន្រ្តីសាធារណការ ឆ្មក់ចុះចាប់រថយន្តដឹកលើសទម្ងន់លើផ្លូវជាតិលេខ ៦០