ព័ត៌មានជាតិ

ម្ចាស់កសិដ្ឋានចិញ្ចឹមជ្រូកព្រលឹងចុងសក់ ខណៈអ្នកផ្គត់ផ្គង់អគ្គិសនីអង្គរកា ផ្តាច់ភ្លើង

បានផុស

៤ years មុន

នៅ

ថ្ងៃពុធ ១៦ មិថុនា ២០២១

ដោយ

តាកែវ ៖ បើសិនជាជ្រុលជ្រួស ឬ ប្រហែសតែបន្តិចជ្រូករាប់ពាន់ក្បាលនឹងត្រូវងាប់អស់ខាត់បង់ប្រាប់រាប់សិបម៉ឺនដុល្លារជាក់ជាពុំខាង ព្រោះតែខាងអគ្គិសនីដែលផ្គត់ផ្គង់ចរន្តឲ្យខ្លួនផ្តាច់ភ្លើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ី ឆេង តំណាងកសិដ្ឋានចិញ្ចឹមជ្រូកមួយកន្លែងដែលស្ថិតនៅភូមិឫស្សីមួយគុម្ព ឃុំអូសារាយ ស្រុកត្រាំកក់ ខេត្តតាកែវ បានឲ្យដឹងថា អគ្គិសនីអង្គរកា បានផ្តាច់ភ្លើងធ្វើឲ្យជ្រូកក្តៅ និងស្ទះខ្យល់ចេញចូល ដោយគ្រាន់តែខ្លួនយឺតយ៉ាងក្នុងការបង់ថ្លៃប្រើប្រាស់១ថ្ងៃ។ គាត់បន្តថា ចុះបើជ្រូកកសិដ្ឋានរបស់គាត់ងាប់អស់ តើគាត់មានសង្ឃឹមអ្វី ណាមួយចំណាយជីវភាពរស់នៅប្រចាំថ្ងៃ ណាមួយជាប់កម្ចីធនាគារ ព្រោះបើ កសិដ្ឋានដាច់ភ្លើង ដូចជាករណីមកផ្តាច់ឆៅៗ ពន្យារមិនតភ្ជាប់រាប់ម៉ោងយ៉ាងនេះជ្រូកនឹងថប់ដង្ហើមពេញទ្រុង ព្រោះគ្មានកង្ហារប្រើប្រាស់។

លោក ហ៊ី ឆេង បានបញ្ជាក់ថា ទឹកប្រាក់ជាង៤ពាន់ដុល្លាជាប្រាក់ថ្លៃប្រើប្រាស់ភ្លើងខែមុននេះ ចំណែកប្រាក់ជាង២ពាន់ដុល្លារជាប្រាក់ ដែលម្ចាស់អាជ្ញាប័ណ្ណថា ជាប្រាក់ដែលEDC ពិនិត្យឃើញកុងទ័រមួយខូច ហើយដូរឡើងវិញ ចឹងដោយមិនទាន់យល់ច្បាស់ ហើយក៏ពុំទាន់បង់ដែរ ចាំសួរ EDCសិន ស្រាប់តែផុតកំណត់បង់ភ្លើងថ្ងៃទី១៥ ខែមិថុនា ឆ្នាំ២០២១ ក៏មកផ្តាច់ភ្លើងថ្ងៃទី១៦ ខែមិថុនា ឆ្នាំ២០២១ ម៉ោងប្រហែល៨ព្រឹក។

ក្រោយពេលផ្តាច់ភ្លើងម៉ោង៨ព្រឹក ម្ចាស់កសិដ្ឋានបានបង់ប្រាក់នៅម៉ោង៩ ព្រឹកថ្ងៃទី១៦គឺមួយម៉ោងបន្ទាប់ តែខាងអគ្គិសនីពន្យារពេលតភ្ជាប់ចរន្តជាច្រើនម៉ោង ធ្វើឲ្យជ្រូករកកល់ត្រដរខ្យល់ប៊ិះនឹងងាប់ខាត់បង់ធ្ងន់ធ្ងរ៕

ដោយ ៖ វីរៈ