នគរបាលស្រុកគីរីវង់បន្តចុះបង្ក្រាបដំណាំកញ្ឆា៤ទីតាំងបន្ថែមទៀត

កម្លាំងនគរបាលនៃអធិការដ្ឋាននគរបាលស្រុកគីរីវង់ សហការណ៍ជាមួយកម្លាំងប៉ុស្ដិ៍នគរបាល​រដ្ឋ​បាល ព្រះបាទជាន់ជុំ ចុះបង្ក្រាបកាប់និងដុតបំផ្លាញដំណាំកញ្ឆាខុសច្បាប់ចំនួន៤ទីតាំងបន្ថែមទៀត នៅ​ចំណុច​ជ្រលង​បែក​ថ្លាង និង​ដុប​គុហារ​ចិន ស្ថិតក្នុង​ភូមិសាស្ត្រ​ឃុំ​ព្រះបាទ​ជាន់ជុំ ស្រុក​គីរីវង់។

ប្រតិបត្តិការចុះបង្ក្រាបនេះដែរ បានធ្វើឡើងកាលពីវេលាម៉ោង១៣និង១០​នាទី ថ្ងៃទី១៦ ខែមិថុនា ឆ្នាំ​២០២១ ដោយបានកាប់និងដុតបំផ្លាញដំណាំកញ្ឆាខុសច្បាប់ចំនួន៤​ទីតាំង លើក​ផ្ទៃដី​ប្រមាណ៩៤២​ម៉ែត្រការ៉េ និងអាង​ស្តុក​ទឹ​ក​ចំនួន៣​អាង តែមិនការឃាត់ខ្លួនមនុស្សនោះទេ។

សូមបញ្ជាក់ថា កម្លាំងនគរបាលស្រុកគីរីវង់ តែងចុះបង្ក្រាបទីតាំងដំណាំកញ្ឆខុសច្បាប់ជា​ច្រើន​កន្លែង​មកហើយ​ តែហាក់ដូចជាមិនមានការ​ថមថយ​សោះ ធ្វើឲ្យប្រជាពលរដ្ឋមួយចំនួនបានដាក់ការ​សង្ស័យថា ចំណាត់ការរបស់អាជ្ញាធរមិនចំគោលដៅ៕

អត្ថបទ ៖ សុខុម​