ព័ត៌មានជាតិ

ជាងផ្សារដែកម្នាក់ធ្លាក់ពីអគារខុនដូរកំពុងសាងសង់ស្លាប់ភ្លាមៗ

បានផុស

៤ years មុន

នៅ

ថ្ងៃព្រហស្បតិ៍ ១៧ មិថុនា ២០២១

ដោយ

បុរសជាជាងផ្សារដែកម្នាក់ បានធ្លាក់ពីអគារខុនដូរកំពុងសាងសង់មួយកន្លែងស្លាប់បាត់បង់ជីវិតនៅកន្លែងកើតហេតុ ។

ហេតុការណ៍នេះកើតឡើងនៅវេលាម៉ោង១០និង៣០នាទីព្រឹក ថ្ងៃទី១៧ ខែមិថុនា ឆ្នាំ២០២១ នៅចំណុចអគារខុនដូរមួយកន្លែង ស្ថិតនៅតាមបណ្ដោយផ្លូវលេខ៣៧៦ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសដែលស្លាប់មានឈ្មោះ សែន វិបុល អាយុ២២ឆ្នាំ មានស្រុកកំណើតនៅខេត្តព្រៃវែង ។

ប្រភពព័ត៌មានពីសន្តិសុខដែរយាមនៅកន្លែងកើតហេតុបានប្រាប់ឲ្យដឹងថា គាត់ឃើញបុរសម្នាក់ជាជាងផ្សារដែកបានឡើងទៅផ្សារដែក មិនដឹងយ៉ាងមិចស្រាប់តែធ្លាក់ពីលើអគារខុនដូរដែលទើបសាងសង់ ពីជាន់ទី៦ចុះមកក្រោម បណ្ដាលឲ្យស្លាប់នៅកន្លែងកើតហេតុ។ ហើយភ្លាមៗនោះសន្តិសុខយាមនៅអគារខុនដូរ ក៏បានរត់ទៅប្រាប់សមត្ថកិច្ចមូលដ្ឋានដើម្បីចុះពិនិត្យ។

ក្រោយពីសមត្ថកិច្ចចុះមកត្រួតពិនិត្យ និងបានទាក់ទងទៅការិយាល័យបច្ចេកទេសកោសល្យវិច័យនៃស្នងការដ្ឋាននគរបាលរាជធានីភ្នំពេញ ឲ្យចុះមកពិនិត្យជនរងគ្រោះពិតជាស្លាប់ដោយសារធ្លាក់ពីលើអគារខុនដូរពិតប្រដកមែន។

បច្ចុប្បន្នសពត្រូវបានសមត្ថកិច្ចមូលដ្ឋានប្រគល់ឲ្យទៅក្រុមគ្រួសារដើម្បីយកទៅធ្វើបុណ្យតាមប្រពៃណី ៕