ព័ត៌មានជាតិ

គ្រួសារអតីតយុទ្ធជនពលី និងយុទ្ធជនពិការ១០គ្រួសារ បានទទួលអំណោយពី ឯកឧត្តម ហ៊ុន ម៉ាណែត និងលោកជំទាវ

បានផុស

៤ years មុន

នៅ

ថ្ងៃព្រហស្បតិ៍ ១៧ មិថុនា ២០២១

ដោយ

អតីតយុទ្ធជនពលី១០គ្រួសារ រស់នៅភូមិ ត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ដែលមានជីវភាពលំបាកខ្វះខាត បានទទួលការជួយឧបត្ថម្ភ អំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវពេជ ចន្ទមុន្នី តាមរយៈប្រធានសមាគមអតីតយុទ្ធជនកម្ពុជាខេត្តកំពង់ធំ នៅព្រឹកថ្ងៃទី១៧ ខែមិថុនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ទោ សោម ស៊ុន បានអញ្ជើញសំណេះសំណាល សួរសុខទុក្ខអតីតយុទ្ធជនពិការនិងគ្រួសារអតីតយុទ្ធជនពលីចំនួន១០គ្រួសារ ដែលកំពុងរងផលប៉ះពាល់ដោយសារ ការឆ្លងរីករាលដាលមេរោគកូវីដ១៩ ដោយសារមិនបានចេញទៅ ប្រកបមុខរបរអ្វី សម្រាប់ចិញ្ចឹមជីវិតឡើយ និងបានជួយឧបត្ថម្ភក្នុងមួយគ្រួសារ មានអង្ករ២៥គីឡូក្រាម មី១កេស ទឹកត្រី១យួរ និង ត្រីខកំប៉ុង១យួរផងដែរ។

ប្រធានសមាគមអតីតយុទ្ធជនកម្ពុជាខេត្តកំពង់ធំ បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ឲ្យបងប្អូនថែរក្សាសុខភាព អនាម័យ ចូលរួមការពារទប់ស្កាត់ការឆ្លងរីករាលដាលមេរោគកូវីដ១៩ ត្រូវអនុវត្តឲ្យបានម៉ឺងម៉ាត់តាមវិធានការ ៣កុំនិង ៣ការពាររបស់សម្ដេចតេជោ ហ៊ុន សែន ទោះបីបានចាក់វ៉ាក់សាំងការពារជំងឺកូវីដ១៩ រួចហើយក្តី។

អតីតយុទ្ធជនពិការនិងគ្រួសារអតីតយុទ្ធជនពលី មានសេចក្ដីរំភើបរីករាយ ដែលបានទទួលជំនួយឧបត្ថម្ភទាន់ពេលវេលា ខណៈដែលពួកគាត់កំពុងមានការលំបាកខ្វះខាតយ៉ាងខ្លាំង និងសូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះឯកឧត្តមបណ្ឌិត ហ៊ុន ម៉ាណែត និងលោកជំទាវពេជ្រ ចន្ទមុន្នី ព្រមទាំងក្រុមការងារ សមាគមអតីតយុទ្ធជនកម្ពុជា ខេត្តកំពង់ធំ សូមជួបតែសំណាងល្អ ។

អត្ថបទ៖ ប៊ុន រដ្ឋា