ព័ត៌មានជាតិ
ប្រធានក្រុមព្រះសុរិយា រំលឹកគ្រាមួយ ពេលឃើញផ្ទាល់ភ្នែក លោកតាអាយ៉ៃជើងចាស់ កាលពី ១៥ ឆ្នាំមុន
លោក យាង វណ្ឌី ប្រធានក្រុមព្រះសុរិយាបានសម្តែងការសោកស្តាយ ក្រោយឮដំណឹងមរណភាពរបស់វីរសិល្បៈករចម្រៀងអាយ៉ៃជើងចាស់របស់ប្រទេសកម្ពុជានៅព្រឹកមិញនេះ។
លោកយាង វណ្ឌី ដែលតែងតែស្រាវជ្រាវពីមរតកសិល្បៈចាស់ៗបន្សល់ទុកមុននិងក្រោយសម័យសង្គ្រាម បានរំលឹកពេល ដែលលោកទៅទស្សនាចម្រៀងអាយ៉ៃរបស់លោកតាម៉ក់ កាណេន ហៅលោកតាសាឡាត់ ជាសិល្បៈករដ៏មានឥទ្ធិពល សម្រាប់វិស័យសិល្បៈអាយ៉ៃរបស់ខ្មែរ។
ប្រធានក្រុមស្រាវជ្រាវវ័យក្មេងផ្នែកសិល្បៈខ្មែររូបនេះប្រាប់ថា កាលនោះអំឡុងឆ្នាំ២០០៨ នាឱកាសបុណ្យឯករាជ្យជាតិនៅមុខវាលមេរុ មានការសម្ដែងសិល្បៈកម្សាន្តពេលនោះលោកបានឃើញផ្ទាល់ភ្នែកជាលើកដំបូងលោកព្រឹទ្ធាចារ្យសាឡាត់ បានឡើងឆាកច្រៀងអាយ៉ៃ ប្រកបដោយទេពកោសល្យសិល្បៈរស់រវើក ដែលធ្វើបរិយាកាសជុំវិញសើចសប្បាយបន្ធូរអស់ទុក្ខកង្វល់។
“គ្រាន់តែគាត់ឡើងឆាកភ្លាម អ្នកទស្សនាសើចតែម្តង ដោយសារគេដឹងថាគាត់ជាអ្នកអាយ៉ៃមានភាពកំប្លុកកំប្លែង ហើយគាត់ពិតជាបុគ្គលដ៏អស្ចារ្យកម្ររកបាន”។
ក្រោយមកជាលើកទីពីរ លោកបានឃើញលោកតាម្តងទៀតនៅលើឆាកក្នុងអំឡុងឆ្នាំ២០១៨ ក្នុងរោងមហោស្រពចតុមុខ ដែលស្ថានភាពសុខភាពលោកតាពេលនោះហាក់មិនសូវល្អប៉ុន្មាននោះទេ ហើយឡើងសម្ដែងមានភាពទ្រុឌទ្រោមមិនមាំទាំដូចមុន។
លោកបន្តថា លោកព្រឹទ្ធាចារ្យជាបុគ្គលអស្ចារ្យក្នុងវិស័យសិល្បៈអាយ៉ៃ ហើយអាចចាត់ទុកជាមរតកជាតិកម្ររកបានសម្រាប់ចម្រៀងអាយ៉ៃ ដោយសារបច្ចុប្បន្នសិល្បៈមួយនេះស្ទើរតែពិបាករកអ្នកបន្តវេនណាស់។
បើតាមប្រធានក្រុមដែលធ្វើការពាក់ព័ន្ធផ្នែកសិល្បៈជាង ១០ ឆ្នាំ វិរសិល្បៈករដែលមានស្នាដៃចំពោះជាតិ គួរតែមានការលើកស្ទួយទាំងជីវភាព និងការផ្តល់ការតម្លៃដើម្បីស័ក្ដិសមទៅប្រឹងប្រែងបង្កើតបានស្នាដៃសម្រាប់ជាតិ។
លោក ម៉ក់ កាណេន ដែលមានឈ្មោះក្នុងសិល្បៈថា នាយសាឡាត់ គឺជាសិល្បករអាយៃ តាំងពីសម័យសង្គមរាស្ត្រនិយម។ បើតាមការបញ្ជាក់របស់ភរិយារបស់លោកព្រឹទ្ធាចារ្យអ្នកស្រី នូ សុភី បានបញ្ជាក់ថា លោកតា ម៉ក់ កាណេន មានជំងឺតម្រងនោម និងជំងឺសួត ប្រហែល២០ឆ្នាំមកហើយ ទើបឈឺធ្ងន់ប្រហែលជាងមួយខែចុងក្រោយនេះ។
ប្រមុខរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រីកម្ពុជា ក៏បានផ្ញើសាររំលែកទុក្ខដល់លោកតាសាឡាត់ វីរសិល្បករផ្នែកចម្រៀងអាយ៉ៃ ដែលបានទទួលមរណភាពនៅវេលាម៉ោង៨ ព្រឹក ត្រូវនឹងថ្ងៃទី១៨ ខែមិថុនា ឆ្នាំ២០២១ ក្នុងជន្មាយុ ៨១ឆ្នាំ ដោយជរាពាធ។ មរណភាពលោក ជាការបាត់បង់វីរសិល្បករដ៏ឆ្នើមមួយរូប ធ្លាប់បានលើកស្ទួយវិស័យ វប្បធម៌ខ្មែរ ជាពិសេសផ្នែកសិល្បៈចម្រៀងអាយ៉ៃ។
គួរបញ្ជាក់ថា សពលោកតាម៉ក់ កាណេន កំពុងតម្កល់ធ្វើបុណ្យនៅគេហដ្ឋាន ស្ថិតក្នុងភូមិត្រពាំងឈូក សង្កាត់អូរបែកក្អម ខណ្ឌសែនសុខ ហើយនឹងត្រូវបូជានៅថ្ងៃស្អែកនៅវត្តអង្គតាម៉ិញ។
អត្ថបទ៖ ប៊ុណ្ណារ៉ា
លោកតាអាយុ៨២ឆ្នាំ ប្រកបរបរធាក់ស៊ីក្លូ ជួបគ្រោះថ្នាក់ចរាចរណ៍ទទួលបានថវិកាពីសម្តេចធិបតី
អ៊ីស្រាអែល-ហាម៉ាស ដោះដូរអ្នកទោសនិងចំណាប់ខ្មាំងគ្នា សរុបជិត១០០នាក់
រដ្ឋមន្ត្រីអប់រំ៖ ការអប់រំកុមារតូចជាមូលដ្ឋានគ្រឹះដ៏សំខាន់សម្រាប់សិស្សទទួលបានការសិក្សាពេញមួយជីវិត និងបំណិនសតវត្សទី២១
អភិបាលខេត្តកំពង់ចាម ចុះពិនិត្យស្ពាន អុងកូ តភ្ជាប់ទៅខេត្តត្បូងឃ្មុំ ដែលទើបស្ថាបនារួច
កម្ពុជា បន្តចុះត្រជាក់ពី ២០ ទៅ១៧°C
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
រោងម៉ាស៊ីន ឡាយ សែ នៅស្រុកថ្មគោលប្រមូលទិញស្រូវពីកសិករមួយថ្ងៃចន្លោះពី ១ ៥០០ តោនទៅ ១ ៨០០ តោន
-
ចរាចរណ៍៧ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៧ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៤ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ