ព័ត៌មានជាតិ

ក្រសួងវប្បធម៌ប្រកាសលុបចោលព្រឹត្តិការណ៍មហោស្រពជាតិភាពយន្តខ្នាតខ្លីកម្ពុជាលើកទី៣

បានផុស

៤ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ភ្នំពេញ ៖ ក្រសួងវប្បធម៌និងវិចិត្រសិល្បៈបាន ប្រកាសលុបចោលព្រឹត្តិការណ៍មហាស្រពជាតិភាពយន្តខ្នាតខ្លីកម្ពុជាលើកទី៣ក្នុងឆ្នាំ២០២០នេះតែម្តងដោយសារតែស្ថានភាពនៃជំងឺកូវីដ១៩។
លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌នៃក្រសួងវប្បធម៌ និងវិចិត្រសិល្បៈបានឲ្យដឹងនៅល្ងាចថ្ងៃទី១៨វិច្ឆិកានេះថា«ព្រឹត្តិការណ៍មហោ ស្រពជាតិភាពយន្តខ្នាតខ្លីកម្ពុជាលើកទី៣ដែលគ្រោងរៀបចំឡើងនៅថ្ងៃទី០៤ ដល់ថ្ងៃទី០៧ ខែធ្នូ ខាងមុខនេះយើងបានសម្រេចលុបចោលទាំងស្រុងតែម្តងដោយសារតែវិបត្តិកូវីដ១៩។ប៉ុន្តែប្រសិនបើ នៅឆ្នាំ២០២១ ស្ថានភាពនៃជំងឺកូវីដ១៩ បានល្អប្រសើរឡើង យើងនឹងអាចនាំយកព្រឹត្តិការណ៍ មហោស្រពជាតិភាពយន្តខ្នាតខ្លីនេះ ដាក់បញ្ចូលគ្នាជាមួយនឹងព្រឹត្តិការណ៍ មហាស្រពភាពយន្តជាតិតែម្តង»។

លោកបានបន្តទៀតថា ការសម្រេចលុបចោលនេះបានធ្វើឲ្យប៉ះពា ល់ដល់ផលិតករខ្លះដែលបានផលិតរឿងរួចហើយមិនបានចូលរួមប្រកួតនៅឆ្នាំនេះបានតែកាត់អាចយកទៅប្រកួតនៅឆ្នាំជាបន្តបន្ទាប់ទៀតបាន៕
ដោយ ៖ សំអឿន