ព័ត៌មានជាតិ
ឆេះឃ្លាំងផ្ទុកសំបកកង់រថយន្តចាស់ៗមួយកន្លែង ប្រើរថយន្តពន្លត់អគ្គិភ័យអស់៧គ្រឿង
អគ្គិភ័យឆេះឃ្លាំងផ្ទុកសំបកកង់រថយន្តចាស់ៗមួយកន្លែង កាលពីថ្ងៃទី២១ ខែមិថុនា ឆ្នាំ២០២១ ដែលនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ។
កាលពីថ្ងៃទី២១ ខែមិថុនា ឆ្នាំ២០២១ បន្ទាប់ពីទទួលបានព័ត៌មានថា មានករណីអគ្គិភ័យមួយកន្លែង លោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ បានបញ្ជាទៅលោកឧត្តមសេនីយ៍ត្រី ស៊ុយ ប៊ុនហ៊ាន ស្នងការរង ទទួលផែនការងារអគ្គិភ័យ និងអាវុធជាតិផ្ទុះ និងរថយន្ដទឹកពន្លត់អគ្គិភ័យ ក្រុង ស្រុក មួយចំនួនចេញពីជួយជាបន្ទាន់។


លោកឧត្តមសេនីយ៍ត្រី ស៊ុយ ប៊ុនហ៊ាន បានបញ្ជាក់ឲ្យដឹងថា ករណីគ្រោះថ្នាក់អគ្គីភ័យខាងលើ គឺ ភ្លើងឆេះសំបកកង់រថយន្តចាស់ៗ ដែលមានទីតាំង ស្ថិតនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ដែលមានម្ចាស់អ្នកគ្រប់គ្រងឈ្មោះ ព្រាប ចាន់ ភេទប្រុស អាយុ៥១ឆ្នាំ ជាតិខ្មែរ នៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ។ ក្នុងករណីនេះបណ្តាលឱ្យខូចខាតទ្រព្យសម្បត្តិ រួមមាន៖ ១. ឃ្លាំងធ្វើអំពីឈើប្រក់ស័ង្កសីទំហំ ៨ម x១៨ម ខូចទាំងស្រុង, ២. គ្រឿងឈើមួយចំនួន, ៣. ទូដែកចំនួន ២គ្រឿង, ៤. គ្រែចំនួន ០១គ្រឿង, ៥. ប្រាក់ចំនួន ២,០០០,០០០ រៀល, ៦. សៀវភៅគ្រួសារ និងសំបុត្រកំណើត។


ករណីខាងលើនេះ មិនបណ្តាលឲ្យគ្រោះថ្នាក់ដល់មនុស្សនោះទេ។ លោកឧត្តមសេនីយ៍ស្នងការរងបានឱ្យដឹងទៀតថា ការប្រើប្រាស់រថយន្តពន្លត់អគ្គិភ័យចំនួន ៧គ្រឿង និងប្រើប្រាស់ទឹកអស់ចំនួន ៣២រថយន្ត (ក្នុងនោះរថយន្តរបស់ខេត្ត០២គ្រឿង រថយន្តស្រុកពញាក្រែក ០១គ្រឿង រថយន្តស្រុកត្បូងឃ្មុំ ០១គ្រឿង រថយន្តក្រុងសួង ០១គ្រឿង រថយន្តស្រុកតំបែរ ០១គ្រឿង រថយន្តស្រុកមេមត់ ០១គ្រឿង) ទើបគ្រប់គ្រងស្ថានការណ៍បានទាំងស្រុង។ ហើយមូលហេតុទុសេ្សខ្សែភ្លើង៕
អត្ថបទ៖ សាន វិឡែម

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ