ព័ត៌មានជាតិ
ចិញ្ចឹមបង្កងអូស្ត្រាលី លក់ជាកូនក៏បាន បើលក់ជាមេធំៗមួយគីឡូតម្លៃ ២០ ទៅ ២៥ ដុល្លារ
ខេត្តបាត់ដំបង៖ បង្កងអូស្ត្រាលី គឺជាប្រភេទបង្កងទឹកសាបម៉្យាង ដែលបច្ចុប្បន្នមានប្រជាពលរដ្ឋមួយចំនួនចាប់ផ្តើមសាកល្បងចិញ្ចឹមជាលក្ខណ:គ្រួសារនៅក្នុងរដូវកូវីដ-១៩ ដែលកំពុងរាតត្បាត។
យុវជននាង សូលី រស់នៅភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង បានចាប់ផ្តើមសាកល្បងចាប់យកមុខរបរនេះដំបូង ដោយសារតែបានសិក្សាពីអ្នកជំនាញ មានបទពិសោធន៍ និងដោយសារបច្ចុប្បន្នជំងឺកូវីដ-១៩ កំពុងឆ្លងរីករាលដាលផង។

យុវជនវ័យក្មេងនេះប្រាប់ថា ពពួកបង្កងអូស្ត្រាលីនេះ គឺគេចិញ្ចឹមក្នុងអាងបេតុងក៏បាន និងអាចចិញ្ចឹមក្នុងអាងថង់ផ្លាស្ទិកក៏បានដែរ ដោយប្រើរយ:ពេលពី៣ខែ ទៅ៤ខែ គឺបង្កងចាប់ផ្តើមពងហើយ ដោយក្នុងមេមួយក្បាល អាចបង្កើតកូនបានចាប់ពី ១០០ ទៅ ២០០ ក្បាល ។

បើតាមយុវជនរូបនេះ ការលក់ចេញភាគច្រើនគឺចិញ្ចឹមលក់កូន ដោយគិតទៅតាមទំហំនៃដងខ្លួន បើកូនបង្កងមានប្រវែងពី២ ទៅ៣ សង់ទីម៉ែត្រ ១ក្បាល តម្លៃ៥០០ ទៅ ៧០០ រៀល បើទំហំពី៤ ទៅ ៥ សង់ទីម៉ែត្រ ១ក្បាលតម្លៃពី ៨០០ ទៅ១០០០ រៀល តែបើពួកបង្កង មេឈ្មោល ដែលធំៗ ក្នុង១គីឡូក្រាម តម្លៃអាចបាន២០ ទៅ ២៥ ដុល្លារ។
បច្ចុប្បន្នម្ចាស់ចិញ្ចឹមបង្កងនេះមានអាងថ្ម និងអាងផ្លាស្ទិកចំនួន៣ ហើយក៏មានកូនបង្កងជិតពាន់ក្បាលដែរ ដោយសព្វថ្ងៃកំពុងឆាយដីដើម្បីពង្រីកនិងបន្ថែមអាងមួយចំនួនទៀត៕

អត្ថបទ៖ សោ និយមរ័ត្ន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី