ព័ត៌មានជាតិ

ព្រះរាជអាជ្ញាអមសាលាដំបូងខេត្តកំពង់ធំ បានឧបត្ថម្ភស៊ីម៉ងត៍៥០តោន ដល់ស្នងការដ្ឋាននគរបាលខេត្តកំពង់ធំ ដើម្បីកសាងអគារ

បានផុស

៤ years មុន

នៅ

ថ្ងៃពុធ ២៣ មិថុនា ២០២១

ដោយ

ឯកឧត្តម ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ អមដំណើរដោយ លោក ឆាយ សុត្រា និងលោក ពៅ សម្បូរណ៍ព្រះរាជអាជ្ញារងអមសាលាដំបូងខេត្ត បានអញ្ជើញប្រគល់ទទួលស៊ីម៉ងត៍ ចំនួន៥០តោន ដល់លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ ដើម្បីកសាងសមិទ្ធិផលផ្សេងៗឲ្យមានការរីកចម្រើន នៅក្នុងស្នងការពិធីនេះ បានធ្វើឡើងនៅរសៀលថ្ងៃទី២២ ខែមិថុនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ស៊ិន វិរ: បានមានប្រសាសន៍ថា ការជួយឧបត្ថម្ភស៊ីម៉ងត៍ ដល់ស្នងការនគរបាលខេត្តកំពង់ធំ គឺជាការចូលរួមចំណែក ជំរុញឲ្យមានការអភិវឌ្ឍន៍ កែលំអសោភ័ណភាព និងសមិទ្ធផលនានា ដូចជាអាគារសាលប្រជុំ គេហដ្ឋានមុខងារ អគារអន្តរាគមន៍ អគារប្រចាំការ បន្ទប់បរិភោគម្ហូបអាហារ ការិយាល័យជំនាញ ដើម្បីឲ្យក្លាយជាមជ្ឈមណ្ឌល់បណ្តុះបណ្តាលកសាងធនធានមនុស្ស កសាងថ្នាក់ដឹកនាំដ៏មានគុណភាព ជាពិសេសនោះ គឺស័ក្ដិសមជាកន្លែងបម្រើប្រជាពលរដ្ឋ។

លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានឲ្យដឹងថាក្រោយពីលោកមក ស្នងការនគរបាលនេះ គឺមានការខ្វះខាតជាច្រើន នូវអាគារសាលប្រជុំ និងអាគារអន្តរាគមន៍ រួមទាំងការិយាល័យផ្សេងៗ សម្រាប់ធ្វើការ ទើបបានកៀរគរសម្បុរសជន និងថវិកាផ្ទាល់ខ្លួន ដើម្បីកសាងសមិទ្ធិផលទាំងនេះឲ្យបាន ដើម្បីសម្រួលដល់ការងារមន្ត្រីប៉ូលិស សម្រាប់បម្រើផលប្រយោជន៍សាធារណៈ។

លោកឧត្តមសេនីយ៍ទោ ម៉ែន លី ក៏បានថ្លែងអំណរគុណយ៉ាងជ្រាលជ្រៅចំពោះឯកឧត្តម ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ ដែលបានឧបត្ថម្ភស៊ីម៉ងត៍មានចំនួន៥០ តោន ដល់ស្នងការដ្ឋាននគរបាលខេត្តកំពង់ធំ ស្របពេលតម្រូវការចាំបាច់ នៃដំណើរការសាងសង់សំណង់អគារ ផ្សេងៗដែលកំពុងតែសាងសង់ និងរួចរាល់ឆាប់ៗនៅពេលខាងមុខនេះ។ លោកឧត្តមសេនីយ៍ទោ ម៉ែន លី រួមទាំងមន្ត្រីក្រោមឱវាទ មានចិត្តត្រេកអរក្រៃលែង នូវអំណោយរបស់ ឯកឧត្តម ព្រះរាជអាជ្ញា ព្រះរាជអាជ្ញារងអមសាលាដំបូងខេត្ត និងសូមគោរពជូនពរ ឲ្យសម្រេចជោគជ័យគ្រប់ភារកិច្ច ចៀសផុតពីមេរោគដ៏កាចសាហាវនេះ មានសុខភាពល្អទាំងក្រុមគ្រួសារ៕

អត្ថបទ៖ ប៊ុន រដ្ឋា