ព័ត៌មានជាតិ
លំអិត! ករណីប្រទះឃើញក្រពើជាប់មាត់លូ ផ្អើលពេញស្រុកអង្គរជុំ
សៀមរាប ៖ ករណីប្រទះឃើញសត្វក្រពើជាប់មាត់លូងាប់ នៅតាមបណ្តោយផ្លូវកៅស៊ូ កណ្តាលស្រុកអង្គរជុំបណ្ដាលឲ្យមានការភ្ញាក់ផ្អើលនោះ តាមពិតគឺជាក្រពើងាប់រួចមកហើយ ពោលគឺងាប់កាលពីថ្ងៃទី១៨ ខែតុលា ឆ្នាំ២០២០ តែដោយសារតែម្ចាស់រកកន្លែងកប់មិនទាន់បាន គាប់ជួនទឹកលិច បណ្ដាលឲ្យក្រពើនោះ អណ្តែតតាមទឹកមកជាប់នៅមាត់លូ ទើបពលរដ្ឋប្រទះឃើញមានការភ្ញាក់ផ្អើលតែម្តង។
បើតាមលោក លុក ផុស អភិបាលស្រុកអង្គរជុំបានប្រាប់កម្ពុជាថ្មីឲ្យដឹងថា បញ្ហាសត្វក្រពើដែលប្រជាពលរដ្ឋប្រទះឃើញ នាថ្ងៃទី២២ ខែតុលា ឆ្នាំ២០២០ មិនមែនសត្វក្រពើរស់នោះឡើយ គឺក្រពើនោះបានងាប់តាំងពីថ្ងៃទី១៨ ខែតុលា ឆ្នាំ២០២០មកម្ល៉េះ រួចម្ចាស់ក្រពើបានយកមកដាក់នៅលើគ្រែនៅមុខផ្ទះរបស់គាត់ លុះយប់ទ្បើងក៏ទឹកជំនន់បានឡើង ក៏អណ្តែតសត្វក្រពើបាត់ទៅ។
លោកអភិបាលស្រុកអង្គរជុំ បានបញ្ជាក់ថា ក្រោយពីបានដំណឹងមានប្រជាពលរដ្ឋប្រទះឃើញសត្វក្រពើភ្លាម ក្រុមការងារស្រុក សហការជាមួយកម្លាំងនគរបាលស្រុកបានចុះស្រាវជ្រាវ រកម្ចាស់ក្រពើដែលងាប់នោះ។
លោកបានបន្តទៀតថា ម្ចាស់សត្វក្រពើដែលងាប់ប្រទះឃើញ មានឈ្មោះ សយ សារ៉ន ភេទប្រុសអាយុជាង៥០ឆ្នាំ រស់នៅភូមិក្បាលចាម ឃុំចារឈូក ស្រុកអង្គរជុំ។ ម្ចាស់ក្រពើ ឈ្មោះ សយ សារ៉ន បានប្រាប់សមត្ថកិច្ចឲ្យដឹងថា សត្វក្រពើ ១ក្បាលនេះ ទើបទិញចូលមកថ្មី ហើយយកមកដាក់ក្នុងអាងក្រពើរបស់គាត់ដែលមានស្រាប់ ហើយវាក៏ខាំគ្នាក្នុងអាង ជាច្រើនលើក ច្រើនសារ ទើបងាប់។ ហើយម្ចាស់ បានយកក្រពើដែលងាប់នោះ លើកចេញពីអាងមកដាក់លើគ្រែខាងក្រៅ ពុំទាន់បានយកទៅកប់នោះទេ ដោយសារទឹកជំនន់លិច គ្មានកន្លែងកប់ចោល។
ក្រោយមកទឹកជំនន់ឡើងកាន់តែច្រើន បណ្តាលឲ្យលិចគ្រែនោះ អណ្តែតសាកសពក្រពើ មកជាប់នៅមាត់លូ នៅតាមបណ្តោយផ្លូវកៅស៊ូ កណ្តាលស្រុកអង្គរជុំ។
ម្ចាស់ក្រពើបានបន្ថែមទៀតថា រូបគាត់គ្មានចេតនា បណ្តែតក្រពើដែលងាប់នោះចោល ពាសវាលពាសកាល ដែលបង្កឲ្យមានភាពចលាចល ភ័យខ្លាចដល់បងប្អូនប្រជាពលរដ្ឋយើងនោះទេ។
សូមបងប្អូនប្រជាពលរដ្ឋដែលរស់នៅក្នុងស្រុកអង្គរជុំ និងសាធារណជនមេត្តាកុំភ័យខ្លាច ឬយល់ច្រឡំថា ក្រពើរបស់ប្រជាពលរដ្ឋដែលចិញ្ចឹមរួចចេញពីទ្រុង តាមពិតដោយសារវាងាប់ ម្ចាស់លើកមកដាក់លើគ្រែ គាប់ជួនទឹកលិចបណ្ដែតក្រពើមកជាប់នៅនឹងលូនោះទេ៕
ដោយ ៖ គ្រឿន វ៉េត
សម្តេច ម៉ែន សំអន ៖ ម្លប់ នៃសន្តិភាព បានជំរុញឲ្យមានការអភិវឌ្ឍទាំងពុទ្ធចក្រ និងអាណាចក្រ
គ្រូ Man United រកឃើញគ្រាប់ពេជ្រថ្មីម្នាក់ទៀត ក្រោយស្មើ Arsenal យប់មិញ
កសិដ្ឋាននៅខេត្តព្រះសីហនុ សាកល្បងដាំទំពាំងបាយជូរ និងបន្លែផ្លែឈើចម្រុះគ្មានប្រើសារជាតិគីមី
សម្តេច ម៉ែន សំអន ៖ ស្ត្រីមានតួនាទីយ៉ាងសំខាន់ក្នុងការចូលរួមអភិវឌ្ឍន៍ និងលើកកម្ពស់ សិទ្ធិ សេរីភាពនារី ក្នុងស្ថាប័ននីមួយៗ មិនអាចខ្វះបានឡើយ
រឿងរ៉ាវតារាចម្រៀងស្រីម្នាក់ ត្រូវហ្វេនរោគចិត្ត ចាក់៦១កំបិត សំណាងនៅមានជីវិត
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន
ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនង៉ែត ទៅហើយ
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
កម្លាំងវិស្វកម្ម កំពុងពន្លឿនការស្ថាបនាផ្លូវក្រវាត់ព្រំដែនក្នុងភូមិសាស្រ្តស្រុកអណ្តូងមាស
-
សន្តិសុខសង្គម៦ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៧ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៧ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង