ព័ត៌មានជាតិ

ក្រុមកងវិស្វកម្មក្រសួងការពារជាតិ សាងសង់ផ្លូវកៅស៊ូ១៨០០ម៉ែត្រ នៅក្រុងស្ទឹងត្រែង គ្រោងបញ្ចប់នៅខែសីហា

បានផុស

៤ years មុន

នៅ

ថ្ងៃពុធ ២៣ មិថុនា ២០២១

ដោយ

ក្រុមកងវិស្វកម្មក្រសួងការពារជាតិ ស្ថាបនាផ្លូវកៅស៊ូដ៏ធំជាងគេ១៨០០ម៉ែត្រ នៅក្នុងក្រុងស្ទឹងត្រែង ដើម្បីដាក់បញ្ចូលទៅក្នុងសូចនាករ ចូលរួមប្រកួតប្រជែង ទីក្រុងស្អាតនៅចុងឆ្នាំ២០២១ ឱ្យទទួលបានចំណាត់ថ្នាក់ល្អប្រសើរជាងឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាយកុសល អភិបាលក្រុង បានបញ្ជាក់ថា ផ្លូវកៅស៊ូកំពុងស្ថាបនាដ៏ធំជាងគេនេះ មានប្រវែងជាង១.៨០០ម៉ែត្រ ទទឹង១៨ម៉ែត្រ ធំជាងផ្លូវចាស់២ដង តភ្ជាប់ពីផ្លូវកែងទៅស្ពានមេគង្គ ភ្ជាប់និងផ្លូវលេខ០៩ថ្មីឆ្ពោះទៅខេត្តព្រះវិហារ។ លោកអភិបាលក្រុងបន្ថែមថា ការពង្រីកផ្លូវឲ្យបានធំទូលាយ មានគុណភាពរឹងមាំប្រើប្រាស់យូរអង្វែង ងាយស្រួលឲ្យបងប្អូនប្រជាពលរដ្ឋធ្វើដំណើរ ក៏ដូចជាលើកសោភ័ណភាពក្រុង ត្រៀមលក្ខណៈចូលរួមប្រកួតប្រជែងទីក្រុងស្អាតនៅក្នុងចុងឆ្នាំ២០២១ នេះផងដែរ។

លោក ចាន់ ណេត ប្រជាពលរដ្ឋនៅភូមិរាជានុកូល បានរៀបរាប់ថា ផ្លូវនេះជាផ្លូវចាស់តាំងពីទស្សវត្តន៏ទី៦០មកម្ល៉េះ ផ្លូវតូចចង្អៀត ខូចស្ទើរទាំងស្រុងបង្កភាពលំបាកក្នុងការធ្វើចរាចរណ៍ ពេលនេះ អាជ្ញាធរបានស្ថាបនាថ្មីបងប្អូនប្រជាពលរដ្ឋសប្បាយចិត្តយ៉ាងខ្លាំង និងនាំគ្នាជួយថែរក្សាសម្អាត់បរិស្ថានទាំងអស់គ្នា។ លោកបន្តថា ប្រជាពលរដ្ឋនៅតាមជួរដងផ្លូវនេះ បានលើកឡើងថា នៅពេលមានផ្លូវស្អាតប្រជាពលរដ្ឋនិងភ្ញាក់រលឹកផ្លាស់ប្តូរឈប់ចោលសំរាមរាយប៉ាយ និងងាកមកចូលរួមស្រឡាញ់សមិទ្ធផលរបស់ខ្លួន ព្រោះមានផ្លូវធំស្រួលធ្វើដំណើរ នឹងនាំគ្នាចូលរួមថែរក្សាដើម្បីលើកសោភ័ណភាពក្រុងឲ្យកាន់តែល្អប្រសើរ៕

អត្ថបទ៖ ងិន លីម

Related Topics:កាស្ថាបនាផ្លូវ