ព័ត៌មានជាតិ

អគ្គិភ័យបានលេបត្របាក់ផ្ទះពលរដ្ឋទាំងព្រឹក នៅក្រុងបាត់ដំបង

បានផុស

៤ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

លំនៅឋានមួយខ្នង ត្រូវបានអគ្គិភ័យលេបត្របាក់ទាំងស្រុង ប៉ុន្តែមិនអាចរាលដាលទៅផ្ទះអ្នកដទៃបានឡើយ ដោយសារតែមានការទប់ស្កាត់បានទាន់ពេលវេលា ពីសំណាក់អង្គភាពជំនាញ ជាសំណាងល្អដែលអគ្គីភ័យនេះ មិនបានរាលទៅដល់ផ្ទះលក់ហ្គាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី១៩ ខែវិច្ឆិកា ឆ្នាំ២០២០ វេលាម៉ោងប្រមាណ៧និង០០នាទី គ្រោះអគ្គិភ័យមួយបានកើតឡើងក្នុងលំនៅឋានប្រជាពលរដ្ឋស្ថិត នៅក្រុមទី០១ភូមិចំការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

ភ្លាមៗនោះដែរ កម្លាំងការិយាល័យ បង្ការពន្លត់អគ្គិភ័យខេត្ត បានចេញប្រតិបត្តិការ ដោយមានរថយន្តអគ្គិភ័យរបស់អធិការដ្ឋាននគរបាលស្រុកសង្កែ និងរថយន្តរបស់ក្រុមហ៊ុនឯកជនផង ក្នុងការជួយអន្តរាគមន៍ រហូតមកដល់ម៉ោង៨និង៣០នាទីមុននេះ អគ្គិភ័យត្រូវបានរលត់ទាំងស្រុង។

ជុំវិញគ្រោះអគ្គិភ័យនេះ មិនបានបណ្តាលឲ្យរង គ្រោះថ្នាក់ដល់មនុស្សនោះទេ ប៉ុន្តែលំនៅឋានទំហំបណ្តោយ១៥ម៉ែត្រនិងទទឹង០៨ម៉ែត្រ រួមទាំងទ្រព្យសម្បត្តិផង ត្រូវអគ្គិភ័យលេបត្របាក់ អស់ទាំងស្រុង។ ជនរងគ្រោះដែលជាម្ចាស់លំនៅឋាន ឈ្មោះ ពិន សម្បត្តិ ភេទស្រី អាយុ៦៧ឆ្នាំ បានសន្និដ្ឋាន ដោយខ្លួនឯងថា គ្រោះអគ្គិភ័យ ដែលកើតឡើង ក្នុងលំនៅឋានរបស់គាត់ គឺអាចបណ្តាលពីការឆ្លងចរន្តអគ្គិសនី។ មហាជននៅទីកន្លែងកើតហេតុលើកយោបល់ថា សំណាងហើយ បើគ្រោះអគ្គិភ័យនេះ មិនមានការជួយអន្តរាគមន៍បានទាន់ពេលវេលាពីសមត្ថកិច្ចជំនាញទេនោះ អគ្គិភ័យនឹងឆ្លងរៀលដាលបន្តទៅលំនៅឋានក្បែរនោះ ហើយទីនោះជាទីកន្លែង ដែលពលរដ្ឋលោកប្រកបអាជីវកម្មលក់ហ្គាស និងស្តុកនៅក្បែរគ្នា៕

អត្ថបទ៖ សោ និយមរ័ត្ន

សូមចុចអាន៖ ខឹងស្ដីឲ្យ ឪពុកមា អារក ក្មួយបង្កើតអាយុ១១ខែស្លាប់