ព័ត៌មានជាតិ

រាជរដ្ឋាភិបាលមិនទុក្ខឲ្យពលរដ្ឋណាម្នាក់នៅឯកាឡើយ ទោះនៅទីជនបទដាច់ស្រយាលយ៉ាងណាក៏ដោយ

បានផុស

៤ years មុន

នៅ

ថ្ងៃព្រហស្បតិ៍ ២២ តុលា ២០២០

ដោយ

កំពង់ធំ ៖ លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាតែងតែងគិតគូរខ្ពស់ចំពោះសុខទុក្ខរបស់ពលរដ្ឋទូទាំងប្រទេសជាធំដោយមិនទុក្ខឲ្យពលរដ្ឋណាម្នាក់នៅឯកាឡើយទោះនៅទីជនបទដាច់ស្រយាលយ៉ាងណាក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង សូត ថ្លែងបែបនេះ កាលពីម្សិលមិញ ខណៈនាំអំណោយមនុស្សធម៌ចែកជូនផ្ទាល់ដៃចំពោះពលរដ្ឋក្រីក្រចំនួន២០០គ្រួសារ ដែលរងគ្រោះដោយជំងឺកូវីដ និង ទឹកជំនន់នៅឃុំប្រឡាយ ស្រុកស្ទោង ខេត្តកំពង់ធំ។

លោក វង សូត បានថ្លែងនូវការផ្តាំផ្ញើសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចទាំងទ្វារតែងតែគិតគូរយកចិត្តទុក្ខដាក់អំពីសុខទុក្ខរបស់ប្រជាពលរដ្ឋ ជាធំ។ ទោះនៅទីណាក៏ដោយឲ្យតែមានពលរដ្ឋរងគ្រោះ ឬ ជួបទុក្ខអាសន្នទោះដល់ទីតំបន់ដាច់ក្រយាលយ៉ាងណាក៏ដោយ ក៏មានវត្តមានសម្តេចទាំងទ្វេចុះទៅដល់ទីនោះពិសេស មួយរយៈនេះប្រជាពលរដ្ឋរងគ្រោះដោយទឹកជំនន់រាប់ម៉ឺនគ្រួសារ។

លោកបន្តថា សម្តេចតេជោនិងសម្តេចកិត្តិព្រឹទ្ធបណ្ឌិតបានចុះជួបប្រជាពលរដ្ឋផ្ទាល់ ដោយនាំអំណោយនិងស្បៀងផ្ទាល់តែម្តង។

ជាក់ស្ដែងថ្ងៃនេះ ស្របតាមការចង្អុលបង្ហាញរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួចមកក្រុមការងារក៏បាននាំអំណោយនិងស្បៀងដើម្បីជួយដោះស្រាយទាន់ពេលវេលា និងសម្រួលបន្ទុកដល់ប្រជាពលរដ្ឋដែលកំពុងរងគ្រោះដោយកូវីដ១៩និងជំនន់ទឹកភ្លៀង ក្នុងស្រុកស្ទោង នេះ។

ជាមួយនេះលោក វង សូត រដ្ឋមន្ត្រីក៏បានសំណូមពរឲ្យប្រជាពលរដ្ឋ ដែលមានប័ណ្ណសមធម៌មានសុពលភាពមិនទាន់បានផ្ទៀងផ្ទាត់អញ្ជើញទៅផ្ទៀងផ្ទាត់ឈ្មោះនៅ សាលាឃុំ សង្កាត់ ដែលនៅក្បែរអ្នក ដើម្បីទទួលបានថវិកាឧបត្ថម្ភរបស់រាជរដ្ឋាភិបាល។

បើមានបញ្ហា ឬ ចង់ទទួលបានព័ត៌មានលម្អិត សូមទំនាក់ទំនង ទៅ សាលាឃុំ សង្កាត់ ដែលនៅក្បែរលោកអ្នកនឹងយល់ច្បាស់៕
ដោយ ៖ វិមាន

Related Topics:លោក វង សូត