ព័ត៌មានជាតិ

សមត្ថកិច្ចព្រៃឈើ បង្ក្រាបរថយន្តធុនយក្សដឹកឈើខុសច្បាប់

បានផុស

៤ years មុន

នៅ

ថ្ងៃសុក្រ ២៥ មិថុនា ២០២១

ដោយ

រថយន្តធុនយក្សមួយគ្រឿងត្រូវបានលោក ហោ ភាជ នាយរងអធិការរដ្ឋបាលព្រៃឈើ ខាងជើងបឹងទន្លេសាប ដឹកនាំកម្លាំងបង្ក្រាបរថយន្តធុនយក្សគ្រឿង ដឹកឈើផ្ទះចាស់ បន្លំដាក់ឈើថ្មីខាងក្រោម នៅចំណុច ឃុំទំរីង ស្រុកសណ្ដាន់ ខេត្តកំពង់ធំ វេលាម៉ោង ៩និង០០យប់ ថ្ងៃទី២៤ ខែមិថុនា ឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីសមត្ថកិច្ចបានឲ្យដឹងថា រថយន្ត វេអង បានដឹកឈើងាវ ឃុំដងកាំបិត ស្រុកសណ្ដានខេត្តកំពង់ធំ ហើយដឹកឆ្លងកាត់ ឃុំទំរីង ត្រូវបានជាប់អន្ទាក់ សមត្ថកិច្ចមេព្រៃតែម្ដង ដែលពាក់ស្លាកលេខ ភ្នំពេញ3 B_ 0390 ក្បាល ពណ៌ ខៀវ រ៉ឺម៉ក ពណ៌ ស ពាក់ស្លាកលេខ កំពង់ចាម.4A-0218 ក្នុងគោលដៅដឹកឈើទៅលក់នៅផ្សារកំពត។

សូមបញ្ជាក់ផងដែរថា ប្រភពនៃការលើកឈើដាក់លើឡាន គឺស្ថិតនៅក្នុងតំបន់អូងាវ ឃុំដងកៃបិទ ដែលមានព្រំប្រទល់ជាប់ដែនជម្រកសត្វព្រៃ ព្រៃឡង់.ក្រោមការគ្រប់គ្រងដោយស្នាក់ការបរិស្ថានអូវងាវ ចំណុះឲ្យមន្ទីរបរិស្ថានខេត្តកំពង់ធំ យ៉ាងតឹងរ៉ឺងបំផុត សូម្បីតែប្រជាពលរដ្ឋចូលកាប់ ចូលអារក៏មិនបានផង។

ប្រជាពលរដ្ឋបានសំណូមពរដល់សមត្ថកិច្ចបរិស្ថាន.ឬសមត្ថកិច្ចពាក់ព័ន្ឋ សូមជួយសហការគ្នា ជួយការពារ និងបង្ក្រាបបទល្មើស លបលួចចូលទៅអារឈើ នៅក្នុងដែនអភិរក្យ ហើយដឹកចេញដាក់លក់នៅអូងាវ ហើយមានឈ្មួញជាអ្នកប្រមូលទិញឈើ ដក់បន្តទៅឲ្យឈ្មួញបន្ត។

ចំណែកវត្ថុតាងមានឈើពេញឡាន និងរយន្តត្រូវបានយកមករក្សាទុកនៅផ្នែករដ្ឋបាលព្រៃ ទំរីង រងចាំដោះស្រាយតាមនិតិវិធីតាមផ្លូវច្បាប់។

អត្ថបទ ៖ ប៊ុន រដ្ឋា