ព័ត៌មានជាតិ
ក្មេងប្រុសស្រី ៤ នាក់លង់ទឹកស្ទឹង ស្លាប់ម្នាក់ សង្គ្រោះរួចជីវិត ៣នាក់
ក្មេងស្រី១នាក់បានស្លាប់ដោយសារលង់ទឹកចំណែកក្មេង៣នាក់ទៀតជួយសង្គ្រោះបាន ខណៈអ្នកទាំង៤ បានទៅតាមឪពុកមារាវគ្រុំក្នុងស្ទឹងហើយក៏លង់ទឹក។
ហេតុការណ៍នេះបានកើតឡើង នៅវេលាម៉ោង៥ល្ងាចថ្ងៃទី២៧ ខែមិថុនា ឆ្នាំ២០២១ នៅចំណុចខាងកើតឈៀងខាងជើងចំងាយ៣០០ម៉ែត្រ ពីភូមិចារ ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ។

លោកវរសេនីយ៍ឯកមាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងថាក្មេងស្រីរងគ្រោះឈ្មោះធៀម ចរិយា ភេទស្រី អាយុ៩ឆ្នាំ មានឪពុកឈ្មោះសូ ប៊ុនថនអាយុ៤០ឆ្នាំនិងម្តាយឈ្មោះអៀ សុខូវ អាយុ៣៦ឆ្នាំ នៅភូមិសំពៅលូន ឃុំប្រាសាទស្រុកព្រះនេត្រព្រះ ខេត្តបន្ទាយមានជ័យ។
លោកវរសេនីយ៍ឯកមាស ប្ញទ្ធីបានឲ្យដឹងបន្តថាមុនពេលកើតហេតុមាន ក្មេង៤នាក់ស្រីចំនួន៣នាក់ជាបងប្អូនបានទៅរាវគ្រំជាមួយ ឈ្មោះអៀ តុង វឿ ភេទប្រុសអាយុ៣៣ឆ្នាំ នៅភូមិចារ ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ ត្រូវជាឪពុកមារក្នុងស្ទឹងចម្ងាយពីភូមិប្រហែល៣០០ម៉ែត្រ ក្នុងនោះមានឈ្មោះធៀម ចរិយា ស្លាប់ ក្មេងប្រុសឈ្មោះធៀម វាសនា អាយុ៥ឆ្នាំជាប្អូនបង្កើត ៣ឈ្មោះវី វិជ្ជរ៉ា ភេទស្រីអាយុ៩ឆ្នាំ ៤ឈ្មោះវី វិសម័យ ភេទស្រីអាយុ៧ឆ្នាំ បងប្អូនបង្កើតរបស់ឈ្មោះវី វិជ្ជរ៉ា។
សមត្ថកិច្ចបានរៀបរាប់ដំណើររឿងបញញជាក់ថា នៅវេលាម៉ោងប្រហែល៣រសៀលឪពុកមាបានយកឆ្នាំងធំមួយទៅរាវគ្រុំនៅក្នុងស្ទឹងខាងកើតភូមិ ហើយក្មេងៗទាំង៤នាក់បានរត់តាមទៅជាមួយពេលកំពុងរាវគ្រុំពួកក្មេងៗទាំងនោះក៏បានចុះមុជទឹកលេងនិងជួយរាវគ្រុំខ្លួន ក្រោយមកខ្លួនបានឆ្លងទៅរាវគ្រុំនៅកន្លែងផ្សេងទៀត ដោយពួកក្មេងៗទាំងនោះក៏ឆ្លងទៅជាមួយខ្លួនដែរ ដោយឆ្លងទឹកជ្រៅ ខ្លះក៏តោងឆ្នាំងខ្លះទៀតជិះកខ្លួន ពេលរាវគ្រុំបានមួយសន្ទុះធំ ក៏នាំគ្នាហែលឆ្លងមកវិញដោយពួកក្មេងៗហែលតោងឆ្នាំងនៅក្បែរខ្លួនពេលមកដល់កណ្ដាលស្ទឹងក៏លិចឆ្នាំងដាក់គ្រុំ លិចក្មេង៣នាក់ជួយស្រង់បានចំណែកក្មេងរងគ្រោះលិចទៅទឹកជ្រៅបាត់មិនអាចជួយបានស្របពេលនោះបានមកហៅបងប្អូនក្នុងភូមិឲ្យទៅជួយមុជរកនៅវេលាម៉ោង៥ល្ងាចទើបរកសពឃើញដោសារក្មេងនោះនៅសភាពទន់ ឪពុកម្តាយក្មេងរងគ្រោះ បានដឹកតាមម៉ូតូទៅមណ្ឌលសុខភាពពេទ្យបានប្រាប់ថាក្មេងនោះស្លាប់បាត់ហើយដឹកយកមកផ្ទះវិញ។
លោកបានបញ្ជាក់ឲ្យដឹងបន្តថាឆ្លងតាមការត្រួតពិនិត្យរបស់ក្រុមការងារជំនាញបានសន្និដ្ឋានថាឈ្មោះធៀម ចរិយាពិតជាស្លាប់ដោយសារលង់ទឹកប្រាកដមែន។សពត្រូវបានប្រគល់ឲ្យឪពុកម្តាយរៀបចំធ្វើបុណ្យតាមប្រពៃណីទាំងក្តីអាឡោះអាល័យ ៕ វ៉ាន់ ណាង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ