ព័ត៌មានជាតិ

ជាងចម្លាក់ព្រះ ទាល់តែមានចិត្តអំណត់និងតស៊ូ ទើបទទួលបានជោគជ័យ

បានផុស

៤ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

Sorn Phanith

បុរសជាជាងចម្លាក់ព្រះ បាននិយាយថា បើចង់ក្លាយជាជាងចម្លាក់ព្រះ គឺទាល់តែមានភាពអំណត់និងតស៊ូ ទើបសម្រេចបានការងារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសវ័យ៣៤ឆ្នាំ រស់នៅស្រុកត្រាំកក់ ខេត្តតាកែវ បាននិយាយថា ខ្លួនបានប្រកបរបរជាជាងចម្លាក់ព្រះ អស់រយៈពេលជិត១០ឆ្នាំមកហើយ ហើយរបរនេះ ក៏ធ្វើឲ្យជីវភាពគ្រួសារលោកកើនឡើងដោយមិនខ្វះខាត ដូចពីមុនដែលប្រកបរបរជាជាងសំណង់។ ចំណែកឯជំនាញចម្លាក់ព្រះនេះ គឺលោកបានរៀនតពីឪពុកនិងបងប្អូន។

ជាងចម្លាក់ព្រះរូបនេះ បានឲ្យដឹងថា សព្វថ្ងៃនេះ ក្រុមកម្មករកំពុងសម្រុកធ្វើ ព្រោះមានអ្នកជាវច្រើនរហូតដល់ពេលខ្លះ ធ្វើមិនទាន់ទៀតផង។ លោកក៏បានបន្តថា ធាតុពិត គឺមានពុម្ពចម្លាក់ទៅតាមការកុម្ម៉ង់ពីអ្នកជាវ ហើយជាងខ្លះមានជំនាញខុសៗគ្នា ដែលខ្លះជាងជាងចាក់ពុម្ព ខ្លះលាបពណ៌ និងខ្លះទៀតលាងដុសសំអាត។ ចំពោះប្រាក់កម្រៃប្រចាំខែវិញ គឺមិនក្រោម៤លានរៀលឬ១០០០ដុល្លារនោះទេ ដូច្នេះកម្រៃ នៃជាងចម្លាក់ព្រះបានច្រើនជាងពេលធ្វើសំណង់។ ចំណែកទីតាំងទទួលធ្វើ គឺស្ថិតក្នុងក្រុងដូនកែវ ទីរួមខេត្តតាកែវ៕

អត្ថបទ៖ នរា

សូមចុចអាន៖ ក្រសួងការងារ អនុញ្ញាតឲ្យគ្រឹះស្ថានអប់រំបណ្តុះបណ្តាលវិជ្ជាជីវៈទាំងអស់ ដំណើរការឡើងវិញ

Related Topics:មុខរបរ