ព័ត៌មានជាតិ

ចូលកាច់សោ.ក ម៉ូតូក្នុងវត្តបណ្ដើរចេញដល់ខ្លោងទ្វារ ម្ចាស់តាមទាន់

បានផុស

៤ years មុន

នៅ

ថ្ងៃចន្ទ ២៨ មិថុនា ២០២១

ដោយ

ជនសង្ស័យម្នាក់ត្រូវបានកម្លាំងនគរបាលប៉ុស្តិ៍រដ្ឋបាលជ័យជំនះឃាត់ខ្លួនបន្ទាប់ពីធ្វើសកម្មភាពលួចម៉ូតូក្នុងវត្តសារាវ័ន្តតេជោ តែម៉ូតូមិនឆេះបណ្តើរចេញក៏ត្រូវម្ចាស់គេតាមទាន់ស្រែកឆោឡោចាប់វាយទ្រោមខ្លួនរួចប្រគល់ជូនសមត្ថកិច្ច។

ករណីនេះបានកើតឡើងកាលពីវេលាម៉ោង១២និង០៥នាទីថ្ងៃទី២៧ ខែមិថុនា ឆ្នាំ២០២១ នៅកុដិលេខ១ វត្តសារ៉ាវ័នតេជោ ក្នុងសង្កាត់ជ័យជំនះ ខណ្ឌដូនពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានឲ្យដឹងថា ជនសង្ស័យឈ្មោះ វ៉ាន់ ដេត ភេទប្រុស អាយុ២៨ឆ្នាំ ជនជាតិខ្មែរ មុខរបរនិងទីលំនៅមិនពិតប្រាកដ។ ចំណែកជនរងគ្រោះឈ្មោះ វណ្ណា សុវណ្ណរិទ្ធី ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្ស ស្នាក់នៅកុដិលេខ០១ វត្តសារាវ័ន្តតេជោ ផ្លូវលេខ១៧៨ ក្រុម៣៦ ភូមិ០៩ សង្កាត់ជ័យជំនះ ខណ្ឌដូនពេញ រាជធានីភ្នំពេញ។ ម៉ូតូដែលជនសង្ស័យលួចមិនបានសម្រេចនោះម៉ាកNex ពណ៌ស.លាយខៀវ ស្លាក់លេខ ភ្នំពេញ1HD 1500 ត្រូវបានប្រគល់ជូនម្ចាស់ដើមវិញ។ និងដកហូតដែកសំប៉ែតចុងស្រួចសម្រាប់កាច់សោ.ក ម៉ូតូចំនួនមួយ។

នៅមុនពេលកើតហេតុថ្ងៃទី២៧ ខែមិថុនា ឆ្នាំ២០២១ វេលាម៉ោង០៨និង៣០នាទី ជនរងគ្រោះឈ្មោះ វណ្ណា សុវណ្ណរិទ្ធី ភេទប្រុស អាយុ ១៧ឆ្នាំ បានយកម៉ូតូម៉ាកNEXពណ៌ស លាយខៀវ ស្លាកលេខ ភ្នំពេញ 1HD 1500ចេញពីក្នុងកុដិលេខ១ក្នុងវត្តសារាវ័ន្តតេជោ រួចហើយក៏ចូលទៅក្នុងកុដិវិញ។ រហូតដល់ម៉ោង១២និង០៥នាទីពេលនោះ ជនសង្ស័យបានដើរចូលក្នុងវត្ត មកដល់កុដិលេខ១ដោយឃើញសភាពស្ងាត់ក៏ដេកក្បែរនោះប្រហែល២០នាទី ដោយពុំឃើញមានមនុស្សក៏បានយកដែកសំប៉ែតចុងស្រួចសម្រាប់កាច់សោ.ក ម៉ូតូធ្វើសកម្មភាពកាច់សោ.ក ម៉ូតូបានសម្រេច តែដោយម៉ូតូនោះមិនឆេះ ទើបជនសង្ស័យបណ្តើរម៉ូតូចេញមកដល់ចំណុចក្លោងទ្វារខាងត្បូង ផ្លូវ១៧៨ ជនរងគ្រោះចេញពីក្នុងកុដិមកឃើញស្រែកឆោឡោនាំគ្នារត់ដេញតាមចាប់ជនសង្ស័យបានព្រួតគ្នាវាយស្របពេលនោះកម្លាំងល្បាតប៉ុស្តិ៏នគរបាលរដ្ឋបាលជ័យជំនះមកដល់ជួយអន្តរាគមន៍ ឃាត់ខ្លួនជនសង្ស័យ រួមជាមួយម៉ូតូ០១គ្រឿង និងដែកសំប៉ែតចុងស្រួចសម្រាប់កាច់កម៉ូតូ០១ យកមកធ្វើការសាកសួរនៅប៉ុស្តិ៍នគរបាលជ័យជំនះនឹងកសាងសំណុំរឿងចាត់ការតាមនីតិវិធីច្បាប់៕

អត្ថបទ ៖ រស្មី