ព័ត៌មានជាតិ

ផ្ផ្ទុះឆ្លងកូវីដខ្លាំង អាជ្ញាធរចុះបិទខ្ទប់ទីតាំងអាជីវកម្ម និងផ្ទះពលរដ្ឋសរុប ១០ កន្លែងក្នុងក្រុងសិរីសោភ័ណ

បានផុស

៤ years មុន

នៅ

ថ្ងៃចន្ទ ២៨ មិថុនា ២០២១

ដោយ

លោក អ៊ុំ រាត្រី អភិបាលខេត្តបន្ទាយមានជ័យ លោក ហ៊ឹល រ៉ាយ៉ា អភិបាលក្រុងសិរីសោភ័ណ អមដំណើរដោយ លោក ស៊ី ឌី អធិការនគរបាលក្រុងសិរីសោភ័ណ លោក យ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណ និងមន្ត្រីក្រោមឪវ៉ាទជាច្រើនាក់ទៀត បានចុះយកសំណាកប្រជាពលរដ្ឋប្រុស ស្រីក្នុងក្រុងសិរីសោភ័ណ នៅយប់ថ្ងៃទី ២៧ ខែមិថុនា ឆ្នាំ២០២១ ក្រោយមានករណីផ្ទុះជំងឺកូវីដ-១៩ ដែលមានអ្នកពាក់ព័ន្ធ១៤១នាក់ បានយកសំណាក់ទៅពិនិត្យ រកឃើញ វិជ្ជមានកូវីដ.១៩ ចំនួន៧៧នាក់ អ្នកដែលពាក់ព័ន្ធផ្ទាល់ និងប្រយោលចំនួន៨៤នាក់ក្នុងនោះបានធ្វើការបិតទីតាំងសណ្ឋាគារ រុងរឿង កន្លែងជួសជុលរថយន្ត២ និងផ្ទះប្រជាពលរដ្ឋ៧ខ្នងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីផ្ទុះកូវីដ១៩ខ្លាំងក្នុងក្រុងសិរីសោភ័ណ មក អាជ្ញាធរខេត្ត បានធ្វើការផ្សព្វផ្សាយបន្ទាន់មួយឲ្យប្រជាពលរដ្ឋ មន្ត្រីរាជការ ពាក់ព័ន្ធផ្ទាល់ ឬប្រយោល និងអ្នកវិជ្ជមានកូវីដ១៩ យកសំណាកវិភាគ រកមេរោគកូវីដ១៩ នៅកន្លែងបានកំណត់។

គួរបញ្ជាក់ថា ថ្ងៃទី២៧ ខែមិថុនាឆ្នាំ២០២១នេះ មេរោគកូវីដ១៩ ផ្ទុះចេញពីសណ្ឋាគារ និងហាងខារ៉ាអូខេ រុងរឿង កន្លែងជួសជុលរថយន្ត២កន្លែង និងផ្ទះប្រជាពលរដ្ឋ៧ខ្នង។ ក្នុងស្ថានភាពរីករាលដាលនៃជំងឺកូវីដ១៩រដ្ឋបាលខេត្តបានជម្រាបជូនសាធារណជន បងប្អូនប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោលជាមួយអ្នកវិជ្ជមានកូវីដ១៩ ប្រញាប់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួន រយៈពេល១៤ថ្ងៃដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃនោះទេ។ក្នុងសេចក្តីប្រកាសរបស់រដ្ឋបាលខេត្ត ក្នុងករណីបុគ្គលណាមិនអនុវត្តកាតព្វកិច្ច ល្មើសនឹងវិធានសុខាភិបាល នឹងត្រូវពិន័យអន្តរកាល ចាត់វិធានការផ្លូវច្បាប់ផងដែរ។

រដ្ឋបាលខេត្តបន្ទាយមានជ័យសង្ឃឹមយ៉ាងមុតមាំថា បងប្អូនប្រជាពលរដ្ឋទាំងអស់និងចូលរួមអនុអនុវត្តយ៉ាងយកចិត្តទុកដាក់និងអនុវត្តនូវវិធានការ ការពារ របស់រាជរដ្ឋាភិបាល និងតាមការណែនាំរបស់ក្រសួងសុខាភិបាលឲ្យបានម៉ឺងម៉ាត់៕

អត្ថបទ ៖ វ៉ាន់ ណាង