ព័ត៌មានជាតិ

ភ្លៀង១មេលាយខ្យល់កន្ត្រាក់ បានសម្លាប់មនុស្សម្នាក់ និងរបួស២នាក់ និងខូចខាតផ្ទះជិត២០០ខ្នង

បានផុស

៤ years មុន

នៅ

ថ្ងៃអង្គារ ២៩ មិថុនា ២០២១

ដោយ

គ្រោះធម្មជាតិមួយបានកើតឡើង ខណៈមានភ្លៀងធ្លាក់១មេ លាយឡំខ្យល់កន្ត្រាក់ ដែលមានឥទ្ធិពលខ្លាំង ត្រឹមរយៈពេលជាងមួយម៉ោង កាលពីរសៀលថ្ងៃទី២៨ ខែមិថុនា បានបណ្តាលឲ្យប្រជាពលរដ្ឋស្លាប់ម្នាក់ និងរបួសចំនួន៣នាក់ ថែមទាំងបានបំផ្លាញលំនៅឋានផ្សេងទៀតក្នុងភូមិសាស្ត្រខេត្តបាត់ដំបង ជាច្រើនរយខ្នងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសមត្ថកិច្ចជំនាញបានឲ្យដឹងថា គ្រោះថ្នាក់ធម្មជាតិខាងលើនេះ បង្កឡើងដោយភ្លៀងធ្លាក់មួយមេធំលាយឡំជាមួយខ្យល់កន្ត្រាក់រាយប៉ាយដើមរដូវ ដែលបានកើតឡើងកាលពីថ្ងៃទី២៨ ខែមិថុនា ឆ្នាំ២០២១ កន្លងមកនេះ បានធ្វើឲ្យមូលដ្ឋានស្រុកចំនួន៤ ក្នុងខេត្តបាត់ដំបង រងផលប៉ះពាល់ធ្ងន់និងស្រាលរាប់រយខ្នងរួមមាន ស្រុកសង្កែ, ស្រុករុក្ខគីរី, ស្រុកឯកភ្នំ និងស្រុកមោងឬស្សី ដែលបានបង្កឲ្យមនុស្សស្លាប់ម្នាក់របួស២នាក់ និងខូចខាតផ្ទះសរុបចំនួន១៩៨ខ្នង។

ប្រភពដដែលបានបញ្ជាក់បន្តថា ផ្ទះពលរដ្ឋដែលបង្ហាញចំនួនខាងលើដែលរងការប៉ះពាល់មានដូចជា ក្នុងស្រុកសង្កែ ចំនួន១៦ខ្នង, ស្រុករុក្ខគីរីរងការខូចខាតអស់ ចំនួន១២ខ្នងរលំស្លាកសញ្ញាគណបក្សប្រជាជនចំនួន០១, ស្រុកឯកភ្នំរងការខូចខាតផ្ទះ ចំនួន៣២ខ្នងផ្ទះ រលំសង្កត់បណ្តាលឱ្យស្ត្រីឈ្មោះ ពិន ឈួក អាយុ៦៧ឆ្នាំ ស្លាប់ ចំណែកប្តីឈ្មោះ ញឹម រតនា អាយុ៦៨ឆ្នាំ រងរបួស និងមូលដ្ឋានស្រុកមោងប្ញស្សី បានបណ្តាលឲ្យខូចខាតផ្ទះប្រជាពលរដ្ឋសរុបចំនួន១៣៨ខ្នង ក្នុងនោះដើមឈើរលំសង្កត់១ខ្នងផង៕