ព័ត៌មានជាតិ

ចេតិយបំណងប្រាថ្នាចុងក្រោយរបស់លោកតា គង់ ណៃ សាងសង់ជិតរួចរាល់ហើយ

បានផុស

៤ years មុន

នៅ

ថ្ងៃអង្គារ ២៩ មិថុនា ២០២១

ដោយ

រហូតមកដល់ពេលនេះ ការសាងសង់ចេតិយជូនដល់ព្រឹទ្ធាចារ្យចាប៉ីដងវែងលោកតា គង់ ណៃ គឺសម្រេចបានប្រមាណ៧០ភាគរយហើយ ពោលគឺនឹងត្រូវរួចរាល់នាពេលឆាប់ៗខាងមុខនេះ។

លោក អ៊ឹម ជីវ៉ា ដែលមានវត្តមានចុះទៅផ្ទាល់កាលពីថ្មីៗនេះបានបញ្ជាក់ថា ចេតិយលោកតា គង់ ណៃ សាងសង់ជិតរួចរាល់ហើយ គឺចំណាយថវិការអស់ប្រមាណ២ម៉ឺនដុល្លារ ដែលជាថវិការរបស់លោកជំទាវ ហ៊ុន ស៊ីណាត នឹម ច័ន្ទតារា និងលោកជំទាវឧកញ៉ា នឹម វណ្ណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបថា ដើម្បីសម្រេចបំណងចុងក្រោយរបស់ព្រឹទ្ធាចារ្យចាប៉ីដងវែងលោកតា គង់ ណៃ ត្រូវបានលោកជំទាវ ហ៊ុន ស៊ីណាត និងបុត្រីគឺលោក ជំទាវឧកញ៉ា នឹម វណ្ណៈ បានបំពេញជូនគាត់ដោយបានឧបត្ថម្ភថវិកាចំនួន២ម៉ឺនដុល្លារដើម្បីសង់ចេតិយ និងជួយចិញ្ចឹមរយៈពេល៥ឆ្នាំ ។

លោកជំទាវ ហ៊ុន ស៊ីណាត កន្លងមកធ្លាប់មានប្រសាសន៍ថា ដោយមានការទទូចបែបនេះ ទើបលោកជំទាវនិងកូនព្រមទាំងក្រុមគ្រួសារសម្រេចកសាងចេតិយជូនតាមបំណងរបស់គាត់ ។ លោកជំទាវ ហ៊ុន ស៊ីណាត មានប្រសាសន៍ទៀតថា លោកតា គង់ ណៃ គាត់បានជួយសង្គមនិងលើកស្ទួយសិល្បៈអភិរក្សវប្បធម៌ច្រើនលើសលប់ ។

ក្រៅពីនោះដែរ លោកជំទាវនិងក្រុមគ្រួសារក៏បានជួយចិញ្ចឹមគាត់រយៈពេល៥ឆ្នាំទៀត ដោយឧបត្ថម្ភជារៀងរាល់ខែ ក្នុងមួយខែៗគឺថវិការចំនួន៥០ម៉ឺនរៀល,មី១កេះ ,ត្រីខ១យួ ,ទឹកស៊ីវ១យួ និងអង្ករចំនួន៥០គីឡូក្រាម ផងដែរ៕

អត្ថបទ ៖ ចាន់រ៉ា