នៅ​ភ្នំពេញ! ក្រុមហ៊ុនប្រមូលសំរាម​ថ្មី ៣ ក្រុមហ៊ុន ចាប់ផ្តើម​ បែងចែកតំបន់​គ្នា​គ្រប់គ្រង​ប្រមូលសំរាម​ ចាប់​ពីស្អែកនេះទៅ

ប្រតិបត្តិករថ្មីចំនួន០៣ និងចាប់ផ្តើមសម្អាត ប្រមូល និងដឹកជញ្ជូនសំរាម សំណល់រឹង នៅរាជធានីភ្នំពេញ ចាប់ពីថ្ងៃទី០១ ខែកក្កដា ឆ្នាំ២០២១ តទៅនៅតាមតំបន់ចំនួន០៣ នៃខណ្ឌទាំង១៤ ដោយដាច់ដោយឡែកពីគ្នា។

រដ្ឋបាលរាជធានីភ្នំពេញ ក៏បានអំពាវនាវដល់បងប្អូនប្រជាពលរដ្ឋទាំងអស់ នៅរាជធានីភ្នំពេញ មេត្តាវេចខ្ចប់ ទុកដាក់ និងបញ្ចេញសំរាម សំណល់រឹងរបស់ខ្លួន តាមកាំរកំណត់ឱ្យបានត្រឹមត្រូវ ដើម្បីចូលរួម ថែរក្សាអនាម័យ និងបរិស្ថាននៅរាជធានីភ្នំពេញឱ្យបានស្អាតល្អជានិច្ច និងមេត្តាយោគយល់ចំពោះភាពរអាក់រអួល នៃការចាប់ផ្តើមដំបូងនេះ។

ក្រុមហ៊ុនទាំង ៣ រួមាន ក្រុមហ៊ុន ៨០០ Super/Global Action for Environment Awareness Public Limited នឹងត្រូវ ផ្តល់សេវាក្នុងតំបន់ទី១ ដែលមាន០៥ខណ្ឌ គឺ ខណ្ឌទួលគោក ខណ្ឌឫស្សីកែវ ខណ្ឌសែនសុខ
ខណ្ឌ​ជ្រោយ​​ចង្វារ និងខណ្ឌព្រែកព្នៅ។

ក្រុមហ៊ុន Mizuda Group Co, Ltd នឹងត្រូវផ្តល់សេវា ក្នុងតំបន់ទី២ ដែលមាន០៥ខណ្ឌ គឺ ខណ្ឌដូនពេញ ខណ្ឌ៧មករា ខណ្ឌដង្កោ ខណ្ឌពោធិ៍សែនជ័យ និងខណ្ឌកំបូល។ ក្រុមហ៊ុន CINTRI (Cambodia)/Everbright (China) នឹងត្រូវផ្តល់សេវា ក្នុងតំបន់ទី៣ ដែលមានន០៤ខណ្ឌ គឺ ខណ្ឌចំការមន ខណ្ឌបឹងកេងកង ខណ្ឌមានជ័យ និងខណ្ឌច្បារអំពៅ។

ក្នុងដំណាក់ការអន្តរកាល នៃការផ្ទេរការផ្តល់សេវាប្រមូល និងដឹកជញ្ជូនសំរាម សំណល់រឹង ពីប្រតិបត្តិករចាស់ ទៅប្រតិបត្តិករថ្មី គឺអាចនឹងមានភាពរអាក់រអួលខ្លះៗនៃការផ្តល់សេវា ជាពិសេស នៅតំបន់ដែលទទួលខុសត្រូវ ដោយប្រតិបត្តិករថ្មី៕

អត្ថបទ៖ ស្រីរ័ត្ន