ព័ត៌មានជាតិ
ក្រុមអង្គការក្រៅរដ្ឋាភិបាល និងតារាចំរៀងល្បីៗនៅកម្ពុជា ទទូចឱ្យមេដឹកនាំពិភពលោកជួយផ្តល់វ៉ាក់សាំងកូវីដ១៩ ដល់ប្រទេសខ្សត់ខ្សោយ
ក្រុមអង្គការក្រៅរដ្ឋាភិបាល និងតារាចំរៀងល្បីៗនៅប្រទេសកម្ពុជា បានទទូចដល់មេដឹកនាំពិភពលោកជួយផ្តល់វ៉ាក់សាំងជំងឺកូវីដ១៩ ដល់បណ្តាប្រទេស ដែលខ្សត់ខ្សោយ ដើម្បីឱ្យប្រជាពលរដ្ឋប្រទេសទាំងនោះ អាចមានលទ្ធភាពទទួលបានការចាក់វ៉ាក់សាំងគ្រប់ៗគ្នាចៀសផុតពីការចម្លងជំងឺដ៏កាចសាហាវនេះ។
ការទទូចរបស់ក្រុមអង្គការក្រៅរដ្ឋាភិបាលនិងតារាចំរៀងល្បីៗនេះ បានធ្វើឡើងនៅក្នុងសន្និសីទសារព័ត៌មានតាមរយៈ Zoom នៅថ្ងៃទី៣០មិថុនាដែលសន្និសីទនេះ រៀបចំឡើងដោយអង្គការមូលនិធិថែទាំសុខភាពអ្នកជំងឺអេដស៍ (AHF)។
លោកវេជ្ជបណ្ឌិត ឈឹម សារ៉ាត់ នាយកការិយាល័យប្រចាំតំបន់អាស៊ី នៃអង្គការមូលនិធិថែទាំសុខភាពអ្នកជំងឺអេដស៍ (AHF) បានមានប្រសាសន៍ថា« មានតែការទទួល បានវ៉ាក់សាំងគ្រប់គ្នាទូទាំងសកលលោកទេ ជាវិធីតែមួយគត់ដើម្បីបញ្ឈប់ការរាតត្បាតនៃជំងឺកូវីដ-១៩ ប៉ុន្តែយើងពេលនេះកំពុងមានការព្រួយបារម្ភ ប្រសិនបើ ក្រុមហ៊ុនផលិតវ៉ាក់សាំង និងមេដឹកនាំពិភពលោកមិនធ្វើអ្វីគ្រប់យ៉ាងដែលចាំបាច់ ដើម្បីបានចាក់វ៉ាក់សាំងឱ្យប្រជាជនទូទាំងសកលលោក ការពារពីជំងឺកូវីដ១៩ទេនោះ»។ លោកវេជ្ជបណ្ឌិត ឈឹម សារ៉ាត់ បានអំពាវនាវឱ្យប្រទេសដែលអាចផលិតវ៉ាក់សាំងបាន ជួយផ្តល់ជូនប្រទេសដែលកំពុងតែប្រឈមខ្លាំងនឹងជំងឺកូវីដ១៩ បានចាក់វ៉ាក់សង្គ្រោះជីវិតបានទាន់ពេលវេលា ដើម្បីកាត់បន្ថយការរីករាលដាលនៃជំងឺកូវីដ១៩នេះ ដោយកុំឱកាសនេះដើម្បីធ្វើការស្វែងរកផលចំណេញតាមរយៈការផលិតវ៉ាក់សាំង។
លោក ទឹម វរ៉ា តំណាងអង្គការសង្គមស៊ីវិលបាន អំពាវនាវឱ្យក្រុមហ៊ុនផលិតវ៉ាក់សាំងទាំងអស់ចែករំលែកបច្ចេកវិទ្យានិងកម្មសិទ្ធិបញ្ញារបស់ពួកគេដោយបើកចំហហើយសម្រាប់រដ្ឋាភិបាលដើម្បីធានាថាវ៉ាក់សាំងការពារអាយកូវីដ – ១៩ ត្រូវបានប្រកាសជាសាធារណៈ។ លោកមានប្រសាសន៍ថា « យើងអាចមើលឧទាហរណ៍ពីអតីតកាលដូចជាការរីករាលដាលនៃជំងឺអេដស៍និងជួយសង្គ្រោះពិភពលោកដូចដែលយើងបានធ្វើជាមួយថ្នាំប្រឆាំងនឹងមេរោគអេដស៍ត្រូវបានផ្សព្វផ្សាយជាសកលដើម្បីសង្គ្រោះជីវិត»។
លោក ស៊ន សុទ្ធារិទ្ធ ប្រធានបណ្តាញអ្នករស់ជាមួយមេរោគអេដស៍ប្រចាំប្រទេសកម្ពុជាបានកត់សម្កាល់ថាគម្លាតនៃធនធានដើម្បីដោះស្រាយស្ថានការណ៍រវាងប្រទេស ដែលមានប្រាក់ចំណូលខ្ពស់ និងមានប្រាក់ចំណូលទាប គឺធំធេងណាស់។ ជាមួយនឹងដែនកំណត់ ប៉ាតង់ និងកម្មសិទ្ធិបញ្ញាការទទួលបានការចាក់វ៉ាក់សាំងមិនអាចត្រូវបានធ្វើឱ្យប្រសើរឡើងបានលឿន ដើម្បីតាមទាន់ការបំផ្លិចបំផ្លាញនៃកូវីដ-១៩ ដែលកំពុងបង្កឡើយ។ លោកបានបន្ថែមទៀតថា ការលើកលែង ឬមិនចាំបាច់មានប៉ាតង់នៃការផលិត វ៉ាក់សាំងឬថ្នាំប្រឆាំងវីរុសកូវីដ១៩ ដើម្បីដោះស្រាយស្ថានភាពការចម្លងកូវីដ១៩មានសារៈសំខាន់ណាស់។ ជាក់ស្តែងដូចជាការប្រយុទ្ធប្រឆាំងនឹងជំងឺអេដស៍ចាប់តាំងពីដំណាក់កាលដំបូងនៃជំងឺរាតត្បាត ការបង្កើតការព្យាបាលដោយប្រើថ្នាំប្រឆាំងនឹងមេរោគអេដស៍ក៏មិនបានគ្រប់គ្រាន់និងទាន់ពេលវេលាដូចវ៉ាក់សាំងកូវីដ១៩នេះដែលធ្វើឱ្យបាត់បង់ជីវិតមនុស្សយ៉ាងច្រើនដោយសារបញ្ហាការផលិតថ្នាំនេះ។
លោក បានបញ្ជាក់ថា« តែពេលនេះ កំហុសដដែលនោះមិនត្រូវបានបង្កើតឡើងដោយសារការផលិតវ៉ាក់សាំងទេប៉ុន្តែ យើងកំពុងដើរលើផ្លូវនោះដោយព្រួយបារម្មណ៏ប្រសិន បើក្រុមហ៊ុនផលិតវ៉ាក់សាំង និងមេដឹកនាំពិភពលោកមិនធ្វើអ្វីគ្រប់យ៉ាងដែលចាំបាច់ដើម្បីចាក់វ៉ាក់សាំងការពារពិភពលោករបស់យើង»។
កញ្ញា វី ឌីណែត តារាចំរៀងដ៏ល្បីប្រចាំប្រទេសកម្ពុជាដែលបានបាត់បង់ម្តាយជាទីស្រលាញ់ដោយសារមេរោគដ៏កាចសហាវនេះបានឱ្យដឹងដែរថាការឈឺចាប់ និងការបាត់បង់អ្នកជាទីស្រឡាញ់ជារឿងដ៏សោកសៅ និងរស់នៅជាមួយការភ័យខ្លាចជាមួយមេរោគកូវីឌ ១៩ ជាការលំបាកណាស់ ។ កញ្ញាបានសូមអំពាវនាវដល់ប្រទេសដែលអាចផលិតវ៉ាក់សាំងបាន សូមជួយផ្តល់ វ៉ាក់សាំងឱ្យគ្រប់គ្នាទូទាំងសកលព្រោះថាមានតែវ៉ាក់សាំងជាវិធីដ៏សមខាន់បំផុតដើម្បីបញ្ឈប់ជំងឺរាតត្បាតនេះនិងការពារពិភពលោកទាំងមូលមានសុវត្ថិភាពទាំងអស់គ្នា៕
ចំណែក លោកស្រីវេជ្ជបណ្ឌិត ហួយ ស៊ីខេង ប្រធានគ្រប់គ្រងកម្មវិធីប្រចាំប្រទេសអង្គការមូលនិធិថែទាំសុខភាពអ្នកជំងឺអេដស៍កម្ពុជាបានឱ្យដឹងដែរថា ការទទួលបានការព្យាបាលប្រឆាំងវីរុសកូវីដ១៩ជាសកល គឺជាគោលដៅចុងក្រោយរបស់ AHF ដោយមនុស្ស គ្រប់រូបគួរតែមានលទ្ធភាពទទួលបានសង្គ្រោះវ៉ាក់សាំងសង្គ្រោះជីវិតរួមទាំងថ្នាំព្យាបាលដោយមិនគិតពីស្ថានភាពសេដ្ឋកិច្ច។ លោកស្រី បានស្នើសូមឱ្យក្រុមហ៊ុនផលិតវ៉ាក់សាំងជាច្រើនគិតពីជីវិតមនុស្សជាងប្រាក់ចំណេញពីការលក់វ៉ាក់សាំង។
អត្ថបទ៖ សំអឿន
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ