ព័ត៌មានជាតិ

ពលរដ្ឋក្រីក្រក្នុងខណ្ឌច្បារអំពៅ ទទួលបានអាហារបំប៉នសុខភាពពីអាជ្ញាធរ

បានផុស

៤ years មុន

នៅ

ថ្ងៃសុក្រ ២០ វិច្ឆិកា ២០២០

ដោយ

មន្រ្តីសង្កាត់ច្បារអំពៅទី២ នៃខណ្ឌច្បារអំពៅ បានផ្ដល់អាហារបំប៉នសុខភាពដល់ប្រជាពលរដ្ឋក្រីក្រ ក្នុងសហគមន៍ ដែលគេចាត់ទុកថា ជាសកម្មភាពយកចិត្តទុកដាក់គួរឲ្យចាប់អារម្មណ៍។

លោក យ៉ិន វុធ ចៅសង្កាត់ច្បារអំពៅទី២ បានឲ្យដឹងថា ជារៀងរាល់ថ្ងៃ ក្រុមមន្ត្រីអាជ្ញាធរសង្កាត់ តែងដាក់វេនចុះឆុងម៉្សៅបំប៉នសុខភាពដល់កុមារ និងមនុស្សចាស់ ដែលភាគច្រើនជាអ្នកខ្វះខាតផ្នែកជីវភាពហើយក្នុងនោះ គឺក្នុងសហគមន៍អ្នកក្រីក្រតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅសង្កាត់ បន្តថា សកម្មភាពចែកម៉្សៅបំប៉នសុខភាពតាមគ្រួសារ ក៏អាជ្ញាធរបានធ្វើដែរ ប៉ុន្តែក្នុងនោះគ្រួសារខ្លះពុំបានឆុងឲ្យកូនចៅបានទទួលទានទេ បែរជាទុកចោលទៅវិញ ។ដូច្នេះហើយទើបអាជ្ញាធរសង្កាត់ ធ្វើការបែងចែកវេនចុះឆុងម៉្សៅបំប៉នសុខភាពផ្តល់ដល់កុមារ និងមនុស្សចាស់ ដើម្បីឲ្យពួកគាត់មានសុខភាពល្អប្រសើជាងមុន។

លោក យ៉ិន វុធ សង្កាត់ច្បារអំពៅទី២ បានអំពាវនាវដល់ឪពុក ម្តាយកុមារ ទាំងអស់ឲ្យនាំកូនចៅមកទទួលអាហារបំប៉នសុខភាព ឲ្យបានរាល់ថ្ងៃ ពិសេសមនុស្សចាស់ ដើម្បីទទួលបានសុខភាពល្អ ទើបធ្វើឲ្យគ្រួសារមិនព្រួយបារម្ភ ចំពោះជំងឺផ្សេងៗ ៕

អត្ថបទ ៖ នរា