សម្ដេចតេជោ៖ ម្ចាស់រោងចក្រសហគ្រាស ក្រុមហ៊ុនឯកជន គួរទិញឧបករណ៍ធ្វើតេស្តកូវីដរហ័សទុក

សម្ដេចតេជោ ហ៊ុន សែន មានប្រសាសន៍នៅមុននេះបន្តិចថា ដើម្បីគ្រប់គ្រងការរុករក និងគ្រប់គ្រងស្ថានភាពកូវីដនៅកម្ពុជា សូមក្រុមហ៊ុន និងសហគ្រាសឯកជន ទាំងឡាយណាដែលមានបុគ្គលិកច្រើន ត្រូវមានឧបករណ៍ធ្វើតេស្តរហ័ស ក្នុងការកាត់បន្ថយការចំណាយរបស់រដ្ឋផង និងដើម្បីគ្រប់គ្រងបុគ្គលិកខ្លួនឯងបានកាន់តែលឿន។

គួរបញ្ជាក់ថា បច្ចុប្បន្នក្រសួងសុខាភិបាល មានឧបករណ៍ធ្វើតេស្តរហ័ស ចំនួនជាង មួយលាន មួយសែន បួនម៉ឺនក្នុងឃ្លាំង ក្នុងនោះ បីសែនឧបករណ៍ ស្តុកទុកបម្រុងក្នុងឃ្លាំងយុទ្ធសាស្ត្រ ហើយឧបករណ៍ Rapid Test ចំនួនមួយលានទៀត នឹងមកដល់ក្នុងពេលឆាប់ៗ។ ទន្ទឹមគ្នានោះ សម្ដេចតេជោ ហ៊ុន សែន ក៏បានបញ្ជាទៅក្រសួងសុខាភិបាល ត្រូវតែបញ្ជូនឧបករណ៍តេស្តរហ័សទៅតាមមន្ទីរពេទ្យខេត្តឱ្យបាន ១ម៉ឺន ឧបករណ៍ជាចាំបាច់។