ព័ត៌មានជាតិ

នាយករដ្ឋមន្ត្រីបញ្ជាឱ្យគ្រប់អង្គភាព និងកងកម្លាំងប្រដាប់អាវុធ មានសម្ភារៈធ្វើតេស្តរហ័សដោយខ្លួនឯង

បានផុស

៤ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

ថ្លែងតាមសារពិសេសនាព្រឹកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បញ្ជាឱ្យគ្រប់អង្គភាព កម្លាំងប្រដាប់អាវុធទាំងអស់ ដូចជាប៉ូលិស ទាហាន ប៉េអឹម ត្រូវតែមានប្រដាប់ធ្វើតេស្ត ដើម្បីរកជំងឺកូវីដ-១៩ ដោយខ្លួនឯង ដែលការធ្វើដូច្នេះ គឺដើម្បីចៀសវាងការរីករាលដាលនៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចបានបញ្ជាក់ថា៖ “ខ្ញុំចេញបញ្ជាតែម្តង គឺក្រុមគ្រូពេទ្យត្រូវបង្ហាត់បង្រៀនការធ្វើតេស្តស្វែងរកជំងឺកូវីដ-១៩ ទៅដល់អង្គភាពស្ថាប័នផ្សេងៗ ដើម្បីធ្វើតេស្តរហ័សរកជំងឺកូវីដ-១៩ ចៀសវាងអ្នកជំងឺនោះដើរទៅកាន់កន្លែងផ្សេងៗទៀត ហើយការធ្វើបែបនេះ វាអត់មានខាតអីទេ គឺមានតែចំណេញ”។

ជាមួយគ្នានោះសម្ដេចតេជោ ហ៊ុន សែន ក៏បានតម្រូវឱ្យរៀបចំធ្វើកន្លែងចត្តាឡីស័កឱ្យបានត្រឹមត្រូវ ជៀសវាងការលួចចេញដើរលេង ដើរផឹកស៊ី នៅកន្លែងផ្សេងៗ ហើយកន្លងមកមានករណីផ្ទុះមួយចំនួន ក៏ពាក់ព័ន្ធទៅនឹងការគប់គិតគ្នារវាងអ្នកយាម ជាមួយអ្នកធ្វើចត្តាឡីស័កផងដែរ៕

អត្ថបទ៖ កោះកែវ