ព័ត៌មានជាតិ
ឯកឧត្តម ម៉ឹង សំផន ប្រគល់អំណោយដល់ជនទីទាល់ក្រ និងប្រគេនទៀនវស្សា ទេយ្យទានដល់វត្តចំនួន១៦ ក្នុងស្រុកចន្ទ្រា
នៅព្រឹកថ្ងៃទី១ ខែកក្កដា ឆ្នាំ២០២១ ឯកឧត្តម ម៉ឹង សំផន ប្រធានក្រុមការងារចុះជួយស្រុកចន្ទ្រា និងក្រុមការងារ បាននាំទៀនវស្សានិងទេយ្យទានចំនួន១៦វត្ត ប្រគល់ជូនរដ្ឋបាលស្រុកចន្រ្ទា ដើម្បីចាត់ចែងយកទៅប្រគេនដល់ព្រះសង្ឃគង់ចាំព្រះវស្សា។
ជាមួយគ្នានេះ ឯកឧត្តម ម៉ឹង សំផន ក៏បានសំណេះសំណាលនិងផ្សព្វផ្សាយផែនការសកម្មភាពសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដល់សមាជិកសមាជិកាគណបក្ស ឃុំទាំង៦ នៃស្រុកចន្ទ្រាផងដែរ។

ពិធីនេះបានប្រព្រឹត្តទៅនៅស្នាក់ការគណបក្សប្រជាជនកម្ពុជាឃុំច្រេស ស្រុកចន្ទ្រា ដែលមានការចូលរួមពីលោក លោកស្រីជាប្រធាន អនុប្រធានក្រុមការងារចុះជួយឃុំទាំង៦ និងសមាជិកបក្សជាច្រើនរូបទៀត។
ឯកឧត្តម មុឹង សំផន បានថ្លែងពាំនាំការផ្តាំផ្ញើសួរសុខទុក្ខ និងសេចក្តីនឹករលឹកពី សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ដែលជានិច្ចកាល សម្តេចទាំងពីរមានមនោសញ្ចេតនាស្រឡាញ់រាប់អាន និងរួមសុខរួមទុក្ខជាមួយបងប្អូនជនរួមជាតិទាំងអស់ និងដោះស្រាយទុក្ខលំបាកសព្វបែបយ៉ាង គ្រប់ទីកន្លែងទូទាំងប្រទេសកម្ពុជា។

ឯកឧត្តម ម៉ឹង សំផន ក៏បានផ្ដាំផ្ញើដល់អាជ្ញាធរមូលដ្ឋានត្រូវយកចិត្តទុកដាក់ចំណុចសំខាន់ៗមួយចំនួន:ត្រូវយកចិត្តទុកដាក់អនុវត្តគោលនយោបាយភូមិ ឃុំមានសុវត្ថិភាពឲ្យមានប្រសិទ្ធភាពខ្ពស់គឺធ្វើយ៉ាងណាឲ្យប្រជាពលរដ្ឋរស់នៅដោយសុខសាន្តគ្មានអំពើលួចឆក់ប្លន់នៅក្នុងមូលដ្ឋានជាដាច់ខាត។
ត្រូវគិតគូរដោះស្រាយជីវភាពរស់នៅរបស់ប្រជាពលរដ្ឋក្នុងកំឡុងពេលកូវីដ១៩ រាលដាលនៅក្នុងសហគមន៍។ -អាជ្ញាធរដែនដីនិងមន្ត្រីជំនាញបង្កើនការយកចិត្តទុកដាក់ឲ្យបានខ្ពស់ចំពោះសុខមាលភាពរបស់ប្រជាពលរដ្ឋនិងផ្សព្វផ្សាយការណែនាំរបស់ក្រសួងសុខាភិបាលក្នុងការចូលរួមទប់ស្កាត់បង្ការជំងឺកូវីដ១៩មិនឲ្យមានការចម្លងថ្មី ជាពិសេសត្រូវអនុវត្តនូវវិធានការពាររបស់សម្ដេចតេជោហ៊ុនសែន៣ការពារនឹង៣កុំបើមិនចាប់បាច់កុំចេញក្រៅផ្ទះនិងត្រូវរៀនរស់នៅតាមបែបគន្លងថ្មីជាដើម។

ឯកឧត្តម ម៉ឹង សំផន និងក្រុមការងារ បាននាំមកនូវទៀនវស្សា-ទេយ្យទាន និងបច្ច័យ សម្រាប់វេរប្រគេនព្រះសង្ឃគង់ចាំព្រះវស្សាទាំង ១៦វត្ត ទូទាំងស្រុកចន្ទ្រា ដែលក្នុងមួយវត្តទទួលបាន ទៀន១គូ, ប្រេង ៣០លីត្រ, អង្ករ ២០០ គ.ក្រ, មី ០៥កេស, ត្រីខ ០១កេសធំ, ម៉ាស់ ១០ប្រអប់ និងថវិកា សម្រាប់ប្រគេនតាមវត្តទាំង១៦ ចំនួនសរុប ២១,០០០,០០០ រៀល។ ព្រមទាំងបានឧបត្ថម្ភដល់គ្រួសារក្រីក្រ ចំនួន ៦គ្រួសារ ដែលក្នុងមួយគ្រួសារទទួលបាន គ្រឿងឧបភោគបរិភោគ និងថវិកា ១០០,០០០ រៀល។ ដោយឡែក ១គ្រួសារទីទាល់ក្រនៅឃុំមេសរថ្ងក ទទួលបានអង្ករ ៣០០គ.ក្រ និង មី៥កេសដងដែរ៕
អត្ថបទ ៖ ភក្ដី



-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ