ព័ត៌មានជាតិ

បុរសម្នាក់ជាន់មីនដាច់ជើងម្ខាងពេលធ្វើដំណើរទៅកាប់ផ្តៅនៅចំនុចច្រកតាថាវនៅខេត្តព្រះវិហារ

បានផុស

៤ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

បុរសម្នាក់បានជាន់មីនទទួលរងរបួសធ្ងន់ធ្ងរដាច់ជើងម្ខាងនិងជើងម្ខាងទៀតរងរបួសនៅវេលាថ្ងៃត្រង់ទី១ ខែកក្កដា ឆ្នាំ២០២១នេះ ខណៈពេលដែលគាត់បានធ្វើដំណើរទៅរកកាប់ផ្ដៅនៅចំនុចច្រកតាថាវនៅខេត្តព្រះវិហារ។

ជនរងគ្រោះត្រូវបានជួយសង្គ្រោះដោយក្រុមគ្រូពេទ្យកងទ័ពនៅមន្ទីរពេទ្យជួរមុខទិសស្រអែម។បើតាមលោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានឲ្យដឹងនៅក្នុងផេកហ្វេប៊ុកផ្លូវការរបស់លោកនៅមុននេះបន្តិចថានៅថ្ងៃត្រង់ទី០១ ខែកក្កដា ឆ្នាំ២០២១នេះ ប្រជាពលរដ្ឋម្នាក់ អាយុ ប្រមាណ៤០ឆ្នាំ ភេទប្រុស រស់នៅភូមិស្រអែមខាងជើងឃុំស្រអែមស្រុកជាំក្សាន្តខេត្តព្រះវិហារ បានជាន់គ្រាប់មីនសល់ពីសង្គ្រាម នៅពេលធ្វើដំណើរទៅរកកាប់ផ្ដៅនៅចំនុចច្រកតាថាវ។

លោកអគ្គនាយកស៊ីម៉ាក់បានបន្តថា ជនរងគ្រោះបានរងរបួសធ្ងន់ធ្ងរដោយដាច់ជើងម្ខាង និងជើងម្ខាងទៀតរងរបួស។ ជនរងគ្រោះបានជួយសង្គ្រោះដោយក្រុមគ្រូទេព្យកងទ័ពនៅមន្ទីរទេព្យជួរមុខទិសស្រអែម។

លោកអគ្គនាយកបានបន្ថែមថា « ខ្ញុំសូមចូលរួមចែករំលែកការសោកស្តាយចំពោះគ្រោះថ្នាក់នេះ!»៕

ដោយ ៖ សំអឿន

Related Topics:ជាន់មីន