ព័ត៌មានជាតិ

លោក កែវ រ៉េមី និងលោក ជិន ម៉ាលីន ត្រូវបានតែងតាំងជាអនុប្រធានក្រុមការងារបក្សស្រុកសង្កែ

បានផុស

៤ years មុន

នៅ

ថ្ងៃសៅរ៍ ៣ កក្កដា ២០២១

ដោយ

លោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី, ប្រធានសហព័ន្ធកីឡាតេក្វាន់ដូ ITF កម្ពុជា និងជាប្រធានគណៈកម្មាធិការសិទ្ធិមនុស្សកម្ពុជា និងលោក ជិន ម៉ាលីន រដ្ឋលេខាធិការក្រសួងយុត្តិធម៌ ព្រមទាំងមន្ត្រីមួយចំនួនទៀត ត្រូវបានតែងតាំងជាអនុប្រធានក្រុមការងារគណបក្សប្រជាជនកម្ពុជាប្រចាំស្រុកសង្កែ ខេត្តបាត់ដំបង នេះបើយោងតាមសេចក្តីសម្រេចដែលទទួលបាននៅថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេចចុះថ្ងៃទី០៧ ខែមិថុនា ដោយសម្តេចក្រឡាហោម ស ខេង ឧបនាយករដ្ឋមន្ត្រី និងជាប្រធានក្រុម ការងារគណបក្សប្រជាជនខេត្តបាត់ដំបង បានបញ្ជាក់ថា ត្រូវបានតែងតាំងអនុប្រធានក្រុមការងារគណបក្សប្រជាជនកម្ពុជា ស្រុកសង្កែ ខេត្តបាត់ដំបង រួមមាន: ទី១. ឯកឧត្តម កែវ រ៉េមី ទី២. ឯកឧត្តម ជិន ម៉ាលីន ទី៣. ឯកឧត្តម ខៀវ តុលា….។

សូមបញ្ជាក់ថា ការតែងតាំងនេះធ្វើឡើងដោយយោងទៅលើចំណារដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ចុះថ្ងៃទី០៥ ខែកុម្ភៈ ឆ្នាំ២០២១ លើលិខិតចុះថ្ងៃទី០៣ ខែកុម្ភៈ ឆ្នាំ២០២១ របស់ប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តបាត់ដំបង និងយោងទៅតាមសំណូមពរចាំបាច់នៃការងារ៕

ដោយ ៖ កោះកែវ