ព័ត៌មានជាតិ

រដ្ឋបាលខេត្តព្រះសីហនុប្រកាស បញ្ចប់ជាតំបន់លឿងនៅតំបន់មួយផ្នែកក្នុងក្រុងព្រះសីហនុ

បានផុស

៤ years មុន

នៅ

ថ្ងៃចន្ទ ៥ កក្កដា ២០២១

ដោយ

ព្រះសីហនុ ៖ រដ្ឋបាលខេត្តព្រះសីហនុ នៅល្ងាចថ្ងៃទី៥ខែកក្កដា ឆ្នាំ២០២១ បានចេញសេចក្តីសម្រេច ស្តីពីការបញ្ចប់ ជា«តំបន់លឿង» ចំពោះភូមិសាស្ត្រមួយផ្នែក នៃក្រុងព្រះសីហនុ និងភូមិសាស្ត្រមួយផ្នែក នៃស្រុកព្រៃនប់ និងការដាក់ចេញវិធានការរដ្ឋបាលសម្រាប់ភូមិសាស្ត្រខេត្រព្រះសីហនុ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

នៅក្នុងសេចក្តីសម្រេចលេខ១៧៥/២១សសរ ចុះថ្ងៃទី៥ខែកក្កដានេះ សម្រេចប្រការ១-ត្រូវបាន បញ្ចប់ ការដាក់ជា តំបន់លឿង ចំពោះភូមិសាស្ត្រមួយផ្នែកនៃក្រុងព្រះសីហនុ រួមមាន: ៣៦ក្រុមនៃតំបន់ទំនប់រលក ស្ថិតក្នុងភូមិ៣ សង្កាត់លេខ១ ក្រុងព្រះសីហនុ និងភូមិសាស្ត្រមួយផ្នែកនៃស្រុកព្រៃនប់ រួមមាន: ភូមិសាស្ត្រឃុំបិតត្រាំង ឃុំបឹងតាព្រហ្ម និងឃុំអូរជ្រៅទាំងមូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រូវបន្តអនុវត្តវិធានការរដ្ឋបាលចំពោះ «ទីតាំងក្រហម»នីមួយៗក្នុងភូមិសាស្ត្រខេត្តព្រះសីហនុ ដោយអនុវត្តស្របតាមសេចក្តីជូនដំណឹងរបស់រដ្ឋបាលខេត្ត ឬរដ្ឋបាលក្រុង ស្រុក ឬក្រុមការងារដែលបានវាយតម្លៃ កំណត់រយៈពេលស្របតាមកម្រឹតហានិភ័យ នៃការឆ្លងនៃជំងឺកូវីដ-១៩ក្នុងទីតាំងនោះផ្ទាល់។

ប្រការ២-ក្នុងអំឡុងពេលបញ្ចប់ការដាក់ជា «តំបន់លឿង» សម្រាប់ភូមិសាស្ត្រខេត្តព្រះសីហនុ ផ្សារដែលមានលក្ខណៈប្រមូលផ្តុំ និងការលក់ដូរគ្មានសណ្តាប់ឆ្នាប់ត្រូវបន្តហាមឃាត់ការលក់ដូរ រយៈពេល ១៤ថ្ងៃបន្ថែមទៀត គិតចាប់ពីថ្ងៃទី៥ ខែកក្កដា ដល់ថ្ងៃទី១៨ ខែកក្កដាឆ្នាំ២០២១ លើកលែងតែការលក់ដូរនៅតាមផ្សារម៉ាត(ផ្សារទំនើប) នៅតាមលំនៅឋាន និងនៅតាមទីតាំងរៀបរយផ្សេងទៀតស្របតាមការកំណត់របស់រដ្ឋបាលខេត្ត។

ប្រការ៣-ក្នុងអំឡុងពេលបញ្ចប់ការដាក់ជា«តំបន់លឿង»សម្រាប់ភូមិសាស្ត្រខេត្តព្រះសីហនុ ចំពោះសកម្មភាពការងារ មុខរបរ និងអាជីវកម្មគ្រប់ប្រភេទដែលមានការជួបជុំមនុស្សច្រើនកុះករ ដែលបង្កហានិភ័យខ្ពស់ដល់ការឆ្លងរាលដាលនៃជំងឺកូវីដ-១៩ត្រូវបានហាមឃាត់៕

ដោយ ៖ ស៊ុយ ចាន់ធា