ព័ត៌មានជាតិ

អំណោយ សម្តេច តេជោ បានផ្តល់ជូនពលរដ្ឋ២៥០គ្រួសារ នៅស្រុកព្រៃឈរ អំឡុងពេលកូវីដ

បានផុស

៤ years មុន

នៅ

ថ្ងៃអង្គារ ៦ កក្កដា ២០២១

ដោយ

ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានអញ្ជើញ សំណេះសំណាល និងចែកអំណោយដ៏ថ្លៃថ្លារបស់ សម្តេច តេជោ ហ៊ុន សែន ប្រមុខរាជរដ្ឋាភិបាលកម្ពុជា ជូនប្រជាពលរដ្ឋ ក្នុងមូលដ្ឋានស្រុកព្រៃឈរ ដែលមានជីវភាពខ្វះខាត ក្នុងអំឡុងពេលការឆ្លងរីករាលនៃជំងឺកូវីដ-១៩ ចំនួន២៥០គ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះដែរ ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានអំពាវនាវ ឲ្យពលរដ្ឋដែលមានឈ្មោះត្រូវទទួលបានវ៉ាក់សាំង សូមអញ្ជើញទៅទទួលឲ្យបានគ្រប់ៗគ្នា ហើយ ឯកឧត្តម អភិបាលខេត្តកំពង់ចាម បានបន្តជំរុញផ្សព្វផ្សាយដល់ពលរដ្ឋបង្កើនការប្រុងប្រយ័ត្នខ្ពស់លើការទប់ស្កាត់ បង្ការការពារ ការឆ្លងរីករាលដាលជំងឺកូវីដ-១៩ តាមសហគមន៍ ដោយអនុវត្តវិធានសុខាភិបាលឲ្យបានខ្ជាប់ខ្ជួន បីកុំ និង បីការពារ។

អំណោយសម្តេចតេជោ ដែលត្រូវចែកជូនពលរដ្ឋដែលមានជីវភាពខ្វះខាត ក្នុងពេលនោះរួមមាន៖ អង្ករ២៥គីឡូក្រាម មីជាតិមួយកេស ត្រីខមួយយួរ ទឹកស៊ីអ៊ីវមួយយួរ និងទឹកត្រីមួយយួរ។ នៅព្រឹក ថ្ងៃទី ៦ ខែកក្កដា ឆ្នាំ ២០២១ កម្មវិធី នេះប្រារព្ធឡើងក្នុងបរិវេណ វិទ្យាល័យ គន្ធបុប្ផា ព្រៃឈរ ទទឹង ស្រុកព្រៃឈរ៕